కాలం ⏰⏰

మధునా పంతుల చిట్టి వెంకట సుబ్బారావు
కాలం

రోజులు నెలలు సంవత్సరాలు
మానవాళి అందరికీ ఒకటే.

కానీ ఎవరి కాలం వారిదే.
కాల మహిమ అనూహ్యం.

దేవుడు మహిమ కన్న, కాల మహిమ మిన్న.
రేపే అనుకొన్న పట్టాభిషేకం .
తెల్లవారే సరికల్లా రాముడు అరణ్యవాసం. 
అరణ్యవాసము కాల మహిమ.

ఆవిడ మహాపతివ్రత అయితేనేం
ఆమెకి తప్పలేదు దుశ్శాసనుడి దౌర్జన్యం.
అతి రథ మహారధుల సభలో.
కాల మహిమ చెప్పలేం.

కృష్ణుడికి తప్పలేదు నీలా పనిందలు.
మనమెంత మానవ మాత్రులం.

వాలి సుగ్రీవులు ఇద్దరు ఏకోదరులు.
వాలి మరణానికి సుగ్రీవుడు కారణం 
వాలి కాలం అలా ఉంది.

ఎప్పుడూ ఎక్కే విమానమే.
ఆ రోజే రాజశేఖరుడి ఆఖరి జీవన యానం.
ఎటుపోయిందో కూడా తెలియని విమానం.
కాలమహిమకు లేదు కొలమానం.

తల్లి కొడుకులిద్దరూ దేశ ప్రధానులే.
చుట్టూ అత్యున్నత రక్షణ వలయం.
వలయం చేదిస్తూ తుపాకీ గుండ్ల చే హతం.
బ్రహ్మ అలా వ్రాశాడు తలరాత.
అక్షరాల పాటించింది కాలం.

ఏడ్చే వాళ్లని నవ్వించడం హాస్య నటుల వరం.
కోట, బాబు మోహన్ లకు తప్పలేదు పుత్ర శోకం.
ఒకే చోట ఒకే రీతిలో వరుసగా రోడ్డు ప్రమాదం.
కాలమా నీ లీలలు ఎంత దారుణం.

పసిపిల్లల అందరి బాల్యం అమ్మ చంకలో 
నా యవ్వనం వచ్చేవరకు అమ్మ చంక తోటే నా గమనం
బాల్యంలో లో కాలo వేసిన పోలియో కాటు
ఇది నా స్వానుభవం 
బ్యాంకు ఉద్యోగిగా మార్చింది ఆ కాలమే.
కాలం మంచిదా చెడ్డదా తెలియని అయోమయం.

కాలం చెల్లిపోయింది వెళ్లి పోయింది అనుకున్న కరోన.
తిరగబడి విరగబడుతోంది ఒమక్రన్ పెనుభూతమై.
ఎన్ని అనుకున్నా ఏం లాభం కాలం బాగోనప్పుడు.

కాలం చెల్లి పోతే అది ప్రాంసరీ నోట్ అయిన
వెయ్యి రూపాయల నోటు అయినా చిత్తు కాగితమే.

తెలుగు వారి కోసం ఏర్పడిన ఆంధ్ర రాష్ట్రం.
ప్రాంతాలవారీగా విడిపోవడం కాలానుగుణంగా వచ్చిన మార్పు.
ప్రతిచోటా కాలమే వేస్తోంది పెద్ద పీట.

వరకట్న చావులు .యాక్సిడెంట్లు .ఆడవాళ్లపై అకృత్యాలు
ఆస్తి తగాదాలు కొట్లాటలు బాంబు పేలుళ్ళు
రోజు ప్రత్యేక కాలంలో లో వార్తలు మోసుకొస్తున్న పేపర్లు.
ప్రపంచ కాలం ఇలా ఉంది .

అన్ని బాగుంటే అంటారు పెద్దలు.
బాగుండటం అంటే కాలం బాగుండటం.
బాల్యంలో అర్థంకాని పెద్దల మాటలు.

కాలం బాగుండాలంటే ఏం చేయాలి.
తరతరాలుగా అది అర్థం కాని ప్రశ్న
జవాబు చెప్పలేని తరతరాలు.
జవాబు తెలిసినది ఒక్కరికే కనిపించనీ దైవానికి.

ఆ క్షణం ఏడుస్తాం కాలం బాగాలేదని.
మరుక్షణం గతాన్ని మర్చిపోతాం
అదే దేవుడు నీకు ఇచ్చిన వరం,
 సమాధానం.

ఉందిలే మంచి కాలం ముందు ఉందిలే
చెప్పింది ఒక సినిమా గీతం అదే మనందరికీ ఉత్తేజం.

రచన: మధునాపంతుల చిట్టి వెంకట సుబ్బారావు.
           కాకినాడ 9491792279

కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

ఆరోగ్యం వర్సెస్ ఆహారపు అలవాట్లు

మధునా పంతుల చిట్టి వెంకట సుబ్బారావు
ఆరోగ్యం వెర్సెస్ ఆహారపు అలవాట్లు. ప్రతి జీవికి నిత్యవసరాలలో ముఖ్యమైనది ఆహారం. బ్రతుకు బండి సాగాలంటే శక్తి కావాలి. మనిషికి శక్తి తినే ఆహారo నుంచి  పుడుతుంది. మనిషి శరీరము ఒక నడిచే కారు లాంటిది. కారు నడవాలంటే పెట్రోల్ పోయాలి. అలాగే మనిషి శరీరానికి కూడా సమతుల ఆహారం అందించాలి. విటమిన్లు పిండి పదార్థాలు ఖనిజ లవణాలు పీచు పదార్థాలు శరీరానికి కావలసిన రక్షణను శక్తిని ఇస్తాయి. శాఖాహారులందరూ బియ్యం ఆకులు పండ్లు కాయలు గింజలు ఆహారంగా స్వీకరిస్తారు. మాంసాహారులు వీటితో పాటు జంతువుల మాంసం ఆహారంగా తీసుకుంటారు. అయితే తీసుకునే ఆహారాన్ని పరిమితంగా తినడం, పరిశుభ్ర వాతావరణంలో వండిన పదార్థం తినడo,వేళకు తినడం లాంటి కొన్ని నియమాలు ఉన్నాయి. వీటిలో ఏ నియమం తప్పిన ఆహారం విషతుల్యమవుతుంది. అది మన శరీరానికి మంచి బదులు చెడు చేస్తుంది.  పూర్వకాలంలో తొలి రోజున వండిన ఆహార పదార్థాలను ముట్టుకునేవారు కాదు . అది మడి కాదు ఆచారంకాదు. ఆరోగ్యం కోసం తీసుకున్న జాగ్రత్త.ఆధునిక కాలంలో ప్రతి ఇంట్లో ఉండే రిఫ్రిజిరేటర్లులలో వండిన ఆహార పదార్థాలు దాచుకుని రెండు మూడు రోజుల వరకు ఉంచుకుని తింటున్నారు. ఇది ఆరోగ్యానికి ఎంతవరక...
మరింత చదవండి

కుటుంబం

మధునా పంతుల చిట్టి వెంకట సుబ్బారావు
కుటుంబం ఉదయం ఆరు గంటలు అయింది.  ఆ వృద్ధుల ఆలయంలో మైకు నుంచి విష్ణు సహస్రనామం శ్రావ్యంగా వినపడుతోంది.  ఒంటిమీద తెల్లటి బట్టలు వేసుకుని కాళ్లకు నల్లటి షూ తొడుక్కుని నుదుటన ఎర్రటి బొట్టు పెట్టుకుని సగం సగం నెరిసిన జుట్టుతోసుమారు యాభై ఏళ్ళ వయసు ఉన్న ఒక వ్యక్తి  ప్రతి గది లోకి తొంగిచూస్తూ అక్కడున్న వృద్ధులను ఆప్యాయంగా వరుసలు కలిపి పలకరిస్తున్నాడు.  "పెద్దమ్మ కాఫీ తాగావా! పెద్దనాన్న లేచావా! ఆరోగ్యం బాగుందా! మందులు వేసుకున్నావా! రాత్రి నిద్ర పట్టిందా! ఇలాంటి ప్రశ్నలతో ఆ వృద్ధులందరినీ పలకరించడం ఆయన దినచర్య. ఆ వృద్ధుల ఆలయంలో సుమారు యాభై గదులు ఉంటాయి. ప్రతిరోజు ప్రతి గదిని నిశితంగా పరిశీలించి బాగోగులు కనుక్కోవడం ఆయనకి ఇష్టం. తనకంటూ ఎవరు అయినవాళ్లు లేకపోయినా , అయినవాళ్లు ఉండి కొందరు, ఎవరూ లేకుండా ఆ వృద్ధుల ఆలయంలో చేరిన ప్రతి ఒక్కరిని తన బంధువు లాగే చూసుకుంటాడు . మర్యాదలు చేస్తాడు. కష్టం వస్తే తల్లడిల్లిపోతాడు. ఎవరికైనా అనారోగ్యం వస్తే రాత్రి పగలు తేడా లేకుండా కంటికి రెప్పలా కాపాడుకుంటాడు. అలా ప్రతి గదిలోకి తిరిగి భోజనాశాలలోకి వెళ్లి అందరూ పలహారం తీసుకునే వరకు అక్కడే కూర్చ...
మరింత చదవండి

సాయంకాలం సాగర తీరం

మధునా పంతుల చిట్టి వెంకట సుబ్బారావు
ఆ ప్రదేశంలో అంత ఆకర్షణ శక్తి ఏముంది? సాయంకాలం అయిందంటే చాలు అందరికి వయోభేదం లేకుండా ఆ ప్రదేశానికి వెళ్లాలని మనసు పీకుతుంది. ఒక్కసారి వెళ్ళిన తర్వాత అక్కడ ఏముందో తెలిసిపోతుంది కానీ మాటిమాటికి అదే ప్రదేశం వెళ్లాలని అనుకుంటారు. అంత సమ్మోహన శక్తి ఏముంది అక్కడకు మనము వెళ్లి చూద్దాం. నడుచుకుంటూ వెళితే కాళ్లు కూరుకుపోయే ఇసుక, తీరానికి అలుపు సొలుపు లేకుండా కొట్టుకొచ్చే కెరటాలు ,ఏది తనలో దాచుకోకుండా ఒడ్డు మీదకి విసిరేసే ఆ సముద్రుడు , అది మంచి సరుకో తెలియదు మాయ సరుకో తెలియదు అయినా ఎక్కడినుంచో విదేశాల నుంచి సరుకు మోసుకుని నాలుగు రోజులపాటు ఆ బరువు బాధ్యతలు దింపుకోవడానికి అక్కడ సముద్రంలో రెస్ట్ తీసుకునే పెద్ద పెద్ద పడవలు, మన సరుకు విదేశాలకు రుచి చూపించడానికి తీసుకుపోయే పెద్ద పెద్ద పడవలు ,నిండుగా పదేళ్లు కూడా ఉండవు అయినా బ్రతుకు సమరంలో పాట్లు పడే పిల్లవాడు చిన్న పడవ నడుపుతూ వలలో చిక్కే చేప కోసం కెరటాలకు ఎదురు తిరుగుతున్న దృశ్యం, కొంతమంది ఆ నీళ్లలో జలకాలాడే సన్నివేశం.  అరుపులు గోలలు ఈలలు కేకలు ఒకటేమిటి అది ఒక పెద్ద మార్కెట్ లా ఉంటుంది .ఎవరి మాట ఎవరికీ వినపడదు. భూభాగంలో మూడు వంతులు జలమే ఆక్ర...
మరింత చదవండి