CHITTI1963.

ఒకరు పొద్దు వాలిన సూరీడు మరొకరు ఉదయిస్తున్న భానుడు. కాలమంతా కరిగిపోయిన అవ్వకి పొద్దు పోయేలా చేస్తోoది బుడ్డిది ముందు కాలం అంతా నాదేనంటూ  అవ్వతో ఊసులాడుతోంది చంటిది. ఒకరికి ఒకరు తోడు ఒకరంటే ఒకరికి గుండెల్లో ప్రేమ ప్రేమ చెప్పినా తెలియనిది ఒకరికి కళ్ళల్లోనే తన ప్రేమ చూపించేది మరొకరు బిడ్డ మూగ ప్రేమ ,అనుభవం ఉన్న అవ్వకే తెలుసు. అవ్వ ఊసులో ఏ పరిహాసాలు ఉన్నాయో ఆ ముదుసలిలో ఏ బొమ్మ కనబడిందో కిలకిలా నవ్వుతోంది బుడ్డిది. పలకరించే నాధుడు లేక   పులకరించేలా నవ్వుతున్న బుడ్డి దానితోటే కాలక్షేపం చేస్తోంది అవ్వ అనుభవo ఉన్న అవ్వ పొత్తిళ్ళలోనే   ఆప్యా యత అనుభవిస్తోంది చంటిది. ఆప్యాయత అనురాగoతో పెరిగిన అవ్వ నీడలో ఈ బొమ్మ భవితంతా బంగారు. పరిగెత్తే పంచకళ్యాణికి కళ్లెం వేసి నిదానమే ప్రధానమని చెపుతుంది. విక్రమార్కుడు గురించి చెబుతుంది  కాశీ మజిలీ కథలు చెబుతుంది రామాయణ భారతాలు చూసినట్లుగా చెబుతుంది  తన అనుభవం కథలు కథలుగా చెబుతుంది. అనుభవం నుంచే కదా మనిషి గుణపాఠం వచ్చేది. అందుకే ఇంటికో అవ్వ ఉండాలి. అవ్వని మాత్రం గుమ్మం దాటించేయకండి. రచన మధునాపంతుల చిట్టి వెంకట...

అవ్వ మళ్ళీ పుట్టింది. కాలకూట విష o. ఈ పేరు తలుచుకుంటేనే వెన్నులోంచి వణుకు  పుట్టుకొస్తుంది. ఒళ్ళు జలదరిస్తుంది. పాలసముద్రంలో నుంచి పుట్టింది గాని ఏ ప్రాణి జీవితాన్ని అయినా క్షణంలో బుగ్గిపాలు  చేస్తుంది ఈ కాలకూట విషం .అటువంటి హాలాహలాన్ని గొంతులోనే బంధించాడు ఆ త్రినేత్రుడు. విచిత్రం చూడండి భగవంతుడు గొంతులో ఉన్న విష o బయటకు వదిలితే లోకానికి ప్రమాదం. సామాన్య మానవుడు విషం మింగితే ఆఖరి చుక్క వరకు బయటకు వచ్చేవరకు విశ్వ ప్రయత్నం చేస్తారు వైద్యులు. లేకపోతే ఆ మనిషి మనుగడకు ప్రమాదం.  మానవ శరీర నిర్మాణంలో గొంతు అనే భాగానికి ఉన్న ప్రాముఖ్యత చాలా ఎక్కువ. తీసుకున్న ఆహారాన్ని కడుపులోకి పంపించి మనిషి మనుగడకు చాలా సహాయం చేస్తుంది ఈ గొంతు. ఒక్కొక్కసారి తీసుకున్న ఆహారం పడక గొంతు బొంగురు పోతుంది. గొంతులో ఏదో అడ్డు పడినట్లు ఉంటుంది. అయితే ఆ బాధ నుండి విముక్తి పొందడానికి ఎన్నో ప్రయత్నాలు చేస్తుంటాం.  ఇంతకీ ఈ సమస్య గొంతుకు సంబంధించినదా. కాదు గొంతులో దాగున్న సీతాకోకచిలుక ఆకారంలో ఉన్న శరీర భాగం. మామూలుగా పైకి కనపడదు కానీ మానవ శరీరానికి అది అతి ముఖ్యమైన శరీర భాగం. అటువంటి శరీర భాగం...