CHITTI1963.

కడుపు కోసమే కదా కడలంతా బరువు లాగేది బరువులు తోనే సమతుల్యంగా బతుకుబండి మోసేది  ఏ బరువు గతి తప్పిన యజమానికి చెల్లించాలి మూల్యo.  గమ్యం చేరే వరకు బరువులతోనే సాగుతోంది జీవి  ప్రయాణం.  ఆ బరువుల మోతల వెనుక గూడులో ఉన్నదో  బలమైన బాధ్యత. బాధ్యత అంటేనే బరువు బరువు అంటేనే బాధ్యత. ఇన్ని బరువులు మోసిన బక్కచిక్కి ఉంటోంది ఆ ప్రాణం. కారే చెమట ఎదురు గాలులతో మటుమాయం. మాడుతున్న డొక్క ,చుర్రుమనిపించే సూరీడు తల నుండి పాదాల వరకు రక్షణ లేని శరీరo. అయినా అలుపెరగకుండా సాగుతోందా పయనం తలపులన్నీ తలుపులు లేని గూడులో ఉన్న గువ్వల గమనం.  ఆ గువ్వల బువ్వ కోసమే ఆ బడుగు జీవి మథనం. ఎప్పుడు మారుతుందో బక్క జీవి దైనందిన జీవితం. ధనిక పేద అనే తేడా లేని సమ సమాజ నిర్మాణం. రచన మధునాపంతుల చిట్టి వెంకట సుబ్బారావు           కాకినాడ 9491792279

నాడి తడిమి చూసి నలత చెప్పు కళ్ళలో కళ్ళు పెట్టి రక్త బలిమి చూడు రసాగ్రము రంగు చూసి రోగము సంగతి చెప్పు. ఆయుష్షును వృద్ధిచేసి ఆరోగ్య మిచ్చేది ఆయుర్వేదం రచన మధునాపంతుల చిట్టి వెంకట సుబ్బారావు.           కాకినాడ 9491792279

మాజీ కార్మికులం. మనం కార్మికులం  జనం మర్చిపోయిన మాజీ కార్మికులo ఒకప్పుడు దేశ ప్రగతిలో  మనము భాగస్వామ్యులం  ప్రజా సేవలో మనం  అతి ముఖ్యమైన ఆర్థిక రంగం కార్మికులo. మారే ప్రభుత్వాల ఆశయాలకి  ఓట్ల కోసం తెచ్చే పథకాల అమలుకి  మనం బలి పశువులo. సబ్సిడీ రుణాలు సంతోషంగా ఇచ్చాం  వసూలు కి కాళ్లు అరిగేలా తిరిగాo  పెద్ద నోట్లను మడిచి లోపల పెట్టాం.   కరోనాకాలంలో కష్టమనిపించిన   బ్యాంకు తలుపులు తెరిచే ఉంచాo. దొంగల తో పాటు కరోనా కూడా  మన అతిధిలా వస్తే సేవ చేసి ప్రాణాలు కోల్పోయాం. వేల కోట్లు మాఫీ చేశాం  అవమానాలు ఎదుర్కొన్నాం  ఎదురు దెబ్బలు తిన్నాం  చేయని తప్పుకు చెప్పు దెబ్బలు తిన్నాం.  శిక్షలు అనుభవించాం.  అందరూ వైట్ కలర్ జాబ్ అంటారు  అది నైట్ వరకు సాగే బ్యాంకు జాబు లెక్కల లోనే పని వేళలు  లెక్కకు రాని వేళలు ఎన్నో   వారాంతపు సెలవులలో కూడా బ్యాంక్ వాకిట్లోనే.  భార్య పిల్లల ఎంజాయ్ మెంట్ నట్టింట్లోనే.    కరోనా వచ్చినా లాక్ డౌన్ పెట్టినా   మన కార్యాలయం ఎప్పుడు కళ కళే.   అంతా ...

ఎటు పోతుంది పల్లె గమనం. మానవ శక్తి మీద లేదు నమ్మకం యంత్ర శక్తి మీదే సదా ఆధారం. మనిషినే నమ్మలేని సమాజం. పల్లె అంతా పట్టణంలో కాపురం. పట్టెడు అన్నం పెట్టే పంటపొలాలే పరదాలు కట్టిన రెండు అంతస్తుల భవంతులు. ఎక్కడుంటాయి పంట గింజలు. ఎలా బతుకుతాయి పక్షి జాతులు. గదులన్ని కంపెనీ సంచులతో బియ్యం. గాదులన్నీ మాసిన బట్టల కంపు. గుమ్మ పాలు తాగే రైతుకు బొమ్మ పాలే గతి. పశువులు కొట్టాలన్ని పాత సామాన్లుకి ఆతిథ్యం. మురికిపట్టిన లేగ దూడల మువ్వల గంటలు. మాయమైన మైసూర్ ఎడ్లు పరుగులు.  తుమ్మ నాగళ్ళు చూరు కింద చేరే నాగలి చెక్కే వీరన్న బతుకు గుడిమెట్ల పాలు. వరి దుబ్బు పీకలన్ని యంత్రమే నరికే కొడవలి కోత మరిచి పాత ఇనప ముక్కగా మారే. చెవులు కుట్టే చలమయ్య చెన్నై పట్నం జేరే. కుట్లు లేక చంటి దాని చెవులు బోసి పోయే. గుడ్డ తడిపి కుట్టే దర్జీ గూడూరు పోయే రెడీగా దొరికే madelu వుతుకులో వెలవెలపోయే వృద్ధ దంపతుల గూడు వెల్లలేక మాసిపోయే. ఎల్లలు దాటి వెళ్లలేక గూడులోనే గువ్వలు మగ్గిపోయే. ఆదరణ ఆప్యాయతలకు పెట్టింది పేరు పల్లెటూరు. పల్లె జనం నోరు మరచి చరవాణిలో పలకరించే. గుడిగంటలు దూరమయ్యే సెల్లు గంటలుతో పల్లె అంత  మ్రోగే. విస్...