CHITTI1963.

"పిల్లలు ఇంకా లేవలేదా?" అని అడిగాడు రాఘవయ్య, తన భార్య సరితను, తాను స్నానం చేయడానికి బాత్రూంలోకి వెళ్తూ. "లేదండీ, ఇవాళ ఆదివారం కదా! అప్పుడే లేస్తారా!.మరి మీరు రెడీ అవుతున్నారు?" అని ప్రశ్నించింది సరిత. "అవును, ఆడిట్ పనులు ఉన్నాయి. అందుకే వెళ్తున్నా," అన్నాడు రాఘవయ్య. "మరి భోజనం?" "అది అంతా బ్యాంకులోనే," అని చెప్పి, స్నానం చేసి వచ్చి, బట్టలు మార్చుకుని, బ్యాగ్ తీసుకుని స్కూటర్‌ ఎక్కి వెళ్ళిపోయాడు. పెళ్లైనప్పటి నుంచీ సరితకు ఇది మామూలే. ఏ పండగ వచ్చినా, సెలవు వచ్చినా, ఆదివారం అయినా రాఘవయ్య ఇంట్లో ఉండే సమయం తక్కువే. మొదట్లో ఇది ఆమెకు బాధగా అనిపించేది. క్రమంగా అలవాటయ్యింది. రాఘవయ్య తరచూ పిల్లలకు కొన్ని ప్రామిసులు చేసేవాడు. కానీ ఆదివారం వచ్చేసరికి ఏవో పనుల కారణంగా వాయిదా వేసేవాడు. పిల్లలకు చెప్పేందుకు సరితకి తలప్రాణం తోకకి వచ్చేది. అంతేకాదు – పక్క ఊర్లో ఉంటున్న ముసలి తల్లిదండ్రులు, తమ్ముళ్లు, చెల్లెల్ల ఫోన్లు వచ్చినా మాట్లాడే సమయం ఉండేది కాదు. మాట్లాడకుండా ఉంటే – "ఇప్పుడు గొప్పవాడు అయిపోయాడు", "గర్వంగా మారిపోయాడు", "తల్...