CHITTI1963.

ఆ తల్లి ఒడి బిడ్డకి  హంస తూలికాతల్పం  ఆ చిన్ని గొంతు తడిపే రసధార  పంచభక్ష్య పరమాన్నం.  రాగాలు లేని జోల పాట  ఆనంద సంగీతం.  ఆదరించే అమ్మ చేతులు  వాడికి అభయం. శిశిరంలో అమ్మవడి  నులివెచ్చని కొలిమి  మండుటెండలో అది  మంచు కురిసే హిమగిరి  గొంతు దాటి రాని మాటకి  అమ్మ ఆనందపు శ్రోత. ఒడిలో చేసే కసరత్తుకి  ఆమె ఒక మార్గదర్శి.  తడబడే అడుగులకి  ఆసరా ఇచ్చే తరువు తేనె పలుకులు నేర్పించే     వాగ్దేవి.  తనువులు రెండు అయినా  తలపులు అన్ని అమ్మవే  బిడ్డ తలాడించే బొమ్మ  ఆజ్ఞలు ఇచ్చేది అమ్మ తల్లిగా పుట్టడం వరమైతే  బాధ్యతతో మెలగడం  బిడ్డ జన్మ సార్ధకం .  రచన మధునాపంతుల చిట్టి వెంకట సుబ్బారావు  కాకినాడ 9491792279