నలుపు ◼️◼️

నలుపు

సప్త వర్ణాలు దేవుడు సృష్టే.

నల్ల రంగు అంటే అందరికీ భయం.

నలుపు నాణ్యం ఆశావాదులు అభిప్రాయం.

ఉరిమే మేఘం నలుపు కనికరిస్తేనే చినుకు.

భూమంతా సస్యశ్యామలం.

పంటలతో సౌభిక్షం.

అక్షరాలు నేర్పే బోర్డు నలుపు.

అది నేర్పే అక్షరాలే విద్యార్థికి మలుపు.

రక్తహీనత ఆమడదూరం

నల్ల నేరేడు అంటే దానికి భయం.

నల్లటి కాటుక కంటికి సోయగం.

అగరు బొట్టు కారు నలుపు 

ఇరుగు దిష్టి పొరుగు దిష్టి మాయం.

ఆ చుక్క ఉంటేనే పెళ్లి కూతురికి అందం.

బుగ్గన చుక్క పెళ్లికూతురు ముస్తాబు.

పోతన్న గారి కృష్ణయ్య నల్లనివాడే.

ఒకళ్ళ ఇద్దరా పదహారువేల మంది.

మనసు దోచిన వాడు.

సాక్షాత్తూ దేవదేవుడే నలుపు.

నలుపంటే దేనికి అంత భయం.

శనీశ్వరుడుకి నలుపు అంటే మక్కువ.

సూర్యుడికి నమస్కారం శనీశ్వరుడు అంటే భయం.

సూర్యుడి శనీశ్వరుడిది రక్తసంబంధం.

ఏలినాటి శని కి చేద్దాం తిలదానం.

కోయిల నలుపు అయితేనేం తరతరాలుగా

తన రాగం తోటే వసంతం తీసుకు వస్తోంది .

వసంతం తోటే ప్రతి వారికి ఉగాది.

గాయకులు గొంతుకి కోకిల గొంతు ఉపమాలంకారం.

మాట లేదు తీపి రాగమే ఆ గొంతు వరం.

    నల్ల జుట్టు మనిషికి అందం

అది చూస్తేనే మనిషికి మానసిక ఆనందం.

కాకి బావ పిండం తినకపోతే

మనకి గండమే.

కావు కావు మంటూ చుట్టాల రాకకు

సిగ్నల్ ఇస్తుంది.

కాకి కూడా నలుపే . పరోపకారి.

నల్ల బంగారం లేకపోతే రైలుబండి గమనమే లేదు.

కోల్ తో కోట్లు లాభం. దాన్ని కూడా మింగేశారు మన జనం.

సింగరేణి గని మనకు దేవుడిచ్చిన వరం.

తిలదానం తరతరాలు తరింపుకు అదే ఆధారం.

తరo ఆశీర్వదించడం వంశాభివృద్ధికి ఆధారం.

తద్దినం పెట్టడం మానవుల విద్యుక్త ధర్మం.

కంటి గుడ్డు లేకపోతే ప్రపంచంమే అంధకారం.

    దాని రంగు కూడా నలుపే. చూపేది వెలుగు.

    సర్వేంద్రియానాం నయనం ప్రధానం.

  కాళ్ళకింద నలిగే భూమి నలుపు.

  చినుకు పడితే బంగారం తో గాదెలు నింపు.

పేదవాడి శీతల యంత్రం మట్టి కుండ నలుపు.

కుండే గా మనల్ని కడవరకు సాగనంపు.

రచన మధునాపంతుల చిట్టి వెంకట సుబ్బారావు.

          కాకినాడ

9491792279