CHITTI1963.

పురాణాల కాలం నుంచి ఆభరణాలు ధరించడం అనేది మన సాంప్రదాయంలో ఉంది. అయితే ఆ కాలంలో స్త్రీ పురుషులు ఇద్దరూ కూడా అలంకరణలో బంగారు వస్తువులతో పాటు వజ్ర వైడూర్యాలు మణులు మాణిక్యాలు ధరించే వారిని పురాణాల ద్వారా తెలుస్తోంది. కాలక్రమేణా వెండి బంగారు వస్తువులను ఎక్కువగా ధరించడం అనే సాంప్రదాయం వచ్చింది. కారణం వజ్రవైఢూర్యాలు మణులు మాణిక్యాలు చాలా ఖరీదైనవి కావడంతో మానవులంతా వెండి బంగారు వస్తువులు మీదే ఆధారపడి ఉన్నారు.  మొదట్లో వెండి ,బంగారం వస్తువులను మనం అందంగా అలంకరించుకోవడానికి మాత్రమే ఉపయోగించే వాళ్ళం. అయితే దేశ విదేశీ మార్కెట్లలో బంగారం వెండి లోహాలు ఒక వ్యాపార వస్తువుగా మారినప్పటి నుంచి మన దృక్పథంలో మార్పు వచ్చింది. అంటే బంగారాన్ని ఒక ఆభరణంగా కాకుండా భవిష్యత్తు అవసరాలకు ఒక పెట్టుబడిగా ఒక పొదుపు కారకంగా దీనిని మనం ఇప్పుడు చూస్తున్నాం. బంగారాన్ని ఆభరణ రూపంలో కాకుండా ప్రభుత్వం వారు జారీ చేసే బాండ్ల రూపంలో మనం కొని దాచుకోవడం అనేది ఈ మధ్య కాలంలో మంచి అలవాటుగా మారింది.  పెట్టుబడి కోసం బంగారం మీద చేసే పొదుపుని గోల్డ్ బాండ్ Sovereign Gold Bond (SGB) అంటారు. ఇది భారత ప్రభుత్వం జారీ చేసే స...