యువత ఏమిటి నీ బాధ్యత

అంశం : యువత ఏమిటి మీ బాధ్యత

రచన : మధునాపంతుల చిట్టి వెంకట సుబ్బారావు, కాకినాడ

ఉప్పొంగే వయసు — పొంగే పాలలాంటి మనసు,

కావలసినంత గుండెబలం — దేవుడిచ్చిన కండబలం,

ప్రతి యువతకి దేవుడిచ్చిన వరం!

కళ్లుతెరిచి చూస్తే — మనసుపెట్టి ఆలోచిస్తే,

బాధ్యతల అడ్రస్సు దొరుకుతుంది.

సంఘంలోకి తొంగిచూస్తే —

సమస్యల సుడిగుండం కనబడుతుంది.

ఇంట గెలిచి — కన్నవారి కన్నీళ్లు తుడిచినపుడు,

తొలి బాధ్యత నెరవేరినట్టే.

మత్తుకి చిత్తుకాక — మమతారాగాలు పంచినపుడు,

బాధ్యత గల యువతకి — జనాలు ఇస్తారు కితాబు.

అన్నమో రామచంద్రాయని అలమటించే అభాగ్యులకు

పట్టెడు అన్నం పెట్టినపుడు —

డొక్కా సీతమ్మగారి వారసులవుతారు యువత.

అన్యాయాన్ని ఎదిరించి — అక్రమాలను నిలదీసి,

ప్రశ్నించే ధైర్యం అలవర్చుకుంటే —

ప్రతి యువతి, యువకుడు బాధ్యత గల పౌరులే.

ఆశయసాధన కోసం పాటుపడి,

"ఆరోగ్యమే మహాభాగ్యం" అని నమ్మి —

ముందుకు సాగిపోవడమే యువత బాధ్యత!

జ్ఞానం పట్ల ఆసక్తి — సేవ పట్ల నిబద్ధత,

ఇవే నిజమైన యువతకు గుణములు కావాలి.

నువ్వు చదివింది నిన్ను మార్చకపోతే,

అదే చదువు సమాజాన్ని మార్చగలదా?

ఉద్యోగం పొందిన వెంటనే — బాధ్యతలు పూర్తయినట్టా?

కాదయ్యా! అది ఒక్క నిధానం మాత్రమే,

నీ జీవితం అర్థవంతమవుతుంది

నువ్వు మరొకరి జీవితం వెలిగించినప్పుడే.

దేశాన్ని నిర్మించే ఇటుకలవై యువత!

గజగజలాడే గాలి కంటే వేగం నీలో ఉంది,

దానిని తుపానుగా మార్చొద్దు,

సమాజాన్ని చలించించే శక్తిగా మార్చు!

నీ చేతుల్లో ఓ రచయిత ఉన్నాడు,

నీ మనసులో ఓ యోధుడు లేస్తున్నాడు.

నీ కలాల్లో ఓ నాయకుడు తళుక్కుమంటున్నాడు.

వారిని నీవు కనుగొనాలి —

అప్పుడే నీ బాధ్యతను నీవు గుర్తిస్తావు.

భవితవ్యాన్ని బలపరిచే భుజబలమే యువశక్తి!

వేచి ఉండకపోవడం — ఎదురు నిలవడమే అసలైన ధైర్యం!

పనిలో నిజాయితీ, బతుకులో వినయం,

ఈ రెండు ఉంటే — బాధ్యత ఏ అడుగు వెంబడించగలదు.

సమాజంలో వెలుగునిచ్చే దీపమవు,

జాతి ఆశయానికి తారకమవు,

చీకట్లను పారద్రోలే ఉదయసూర్యుడవు —

అది యువత బాధ్యత.