CHITTI1963.

పిల్లలు దేవుడు చల్లనివారే అంటూ ఎక్కడో దూరంగా పాట విన పడుతుంది. నిజమే పిల్లలు దేవుడు ఒక్కరే అసలు దేవుడు పిల్లల్ని ఎందుకు పుట్టించాడు అంటే మన ఆనందంగా ఉండడానికి . పిల్లలు ఉన్న ఇల్లు ఎంత సందడిగా ఉంటుంది. ఇంకా చంటి పిల్లలు ఉంటే అసలు చెప్ప అక్కర్లేదు. మా పిల్లలు చిన్నగా ఉన్నప్పుడు ఇటీవల కాలంలో మా మనవరాలు పుట్టడం తో మరోమారు ఆ అనుభూతుల్ని అనుభవించడానికి భగవంతుడు అవకాశం కల్పించాడు. మా చిట్టి తల్లి కి మరో బుల్లి తల్లి. నా బుల్లి తల్లి రాకతో మా ఇల్లు స్వరూపమే మారిపోయింది. నడుముకు బెల్టు చెవులకు గుడ్డా కాళ్లకు ప్లాస్టిక్ చెప్పు తో నా చిట్టి తల్లి రూపం మారిపోయింది. చంటి దాని ఏడుపుతో ఇల్లంతా మార్మోగిపోతోంది .  గుట్టలుగా ఉన్నా మా ఆవిడ పాత చీరలు ముక్కలుగా మారిపోయి ప్రతి గదిలోనూ కనపడుతున్నాయి. పట్టుమని పది రోజులు కూడా ఎప్పుడు మా ఇంట్లో ఉండని మా అత్తయ్య గారు ఆరోగ్యం బాగా లేకపోయినా తన టెంపరరీ అడ్రస్ సామర్లకోటకు మార్చి చంటి దానితో బిజీ అయిపోయింది. అసలు చంటి పిల్లల్ని పెంచడం కూడా ఒక కళే. ఆమె అలనాటి సుధీర్ఘ అనుభవంతో నా చిట్టి తల్లి ని ,చంటి దాని కూడా కంటికి రెప్పలా చూసుకునేది. ముత్త అమ్మమ్మ గా ఆమ...

దేవుడు కాసులు ఉన్నవాడికి  లేనివాడికి ఆ దేవుడే దిక్కు  ముక్తి కోసం వచ్చే భక్తులకి  గుడి లోపల దేవుడు వరాలు ఇస్తాడు.  భుక్తి కోసం పడిగాపులు కాచే అన్నార్తులకి  భక్తుల చేత వరహాలిప్పిస్తాడు దేవుడు గుడి ముందు కూర్చున్న బిచ్చగాడు  గుడిలోకి అడుగుపెట్టడు  ఎందుకని  గుడిలో నుంచి తన దగ్గరకు వచ్చే వాళ్ళందరూ  దేవుడికి ప్రతిరూపాలని నమ్ముతాడు కాబట్టి. రచన మధునాపంతుల చిట్టి వెంకట సుబ్బారావు కాకినాడ 9491792279

ఫోటోలు ప్రతి మనిషి యొక్క బాహ్య సౌందర్యo నిగ్గు తేల్చేది  నిలువు టద్దం.అద్దం కేసి మనం చూస్తున్నంత సేపు మన ప్రతిబింబం కనబడుతుంది. మనం పక్కకు తప్పుకోగానే అద్దం తెల్ల మొహం వేస్తుంది. అద్దం దగ్గరికి మనం వెళ్ళినప్పుడే మన ప్రతిబింబం మనం చూసుకోగలం. అలా కాకుండా మనం నిత్యజీవితంలోని ప్రతి చర్య శాశ్వతంగా గుర్తుండిపోయేలా ఒక జ్ఞాపికల మిగిలిపోయేలా చేసేది ఛాయాచిత్రం. ఒక అందమైన పెట్టె కాంతిని మన మీద ప్రసరింపచేసి మన ప్రతిబింబాన్ని అందంగా తయారు చేసి మన చేతిలో పెడుతుంది. అదే ఫోటో. అద్దంలోని ప్రతిబింబం క్షణికమైనది. ఛాయాచిత్రం శాశ్వతమైనది. తొలి రోజుల్లో ఫోటో తీయించుకోవడం అంటే ఫోటో స్టూడియో కి కంపల్సరిగా వెళ్ళవలసి వచ్చేది. ఒక అందమైన గది, పెద్ద స్టాండ్ తో కెమెరా ,నల్లటి రీలు ఇవి ఉంటే గాని ఆ ఫోటో రెండు మూడు రోజులు కాని బయటకు వచ్చేది కాదు . ఇప్పుడు రీలు పోయి కాంతితో నడిచే కెమెరాలు వచ్చేసాయి.ఇప్పుడు ఛాయా చిత్రకళ రంగంలో కూడా అత్యాధునిక మార్పులు వచ్చాయి. ఇప్పుడు ప్రతి వారి చేతుల్లోనూ మన ఇంట్లోనే బుల్లి కెమెరా ఉంటుంది.మాటలు రాని చంటిపిల్ల కూడా ఫోటోలు తీస్తానంటోంది.  మన బుల్లి కెమెరా పాపం రోజు ఎన్ని...

కలలో కళ్యాణం  అబ్బా ! ఎంత బాగుంది ఈ శుభలేఖ. అయినా ఈ శుభలేఖ ఎవ్వరూ పంపించారు అనుకుని  చూసేసరికి మిథిలా నగరం నుంచి వచ్చినట్లు కనబడుతోంది. అలకాపురి లో చుట్టాలున్నారు గాని మిథిలాపురిలో ఎవరున్నారు అబ్బా ! అనుకుని వరుడు పేరు చూసేసరికి రాములోరి పెళ్లికి ఊరంతా పెద్దలే కదా అనుకుని బయలుదేరా బాల రాముడిని చూడొచ్చని ముచ్చట పడ్డాను.వధువు ఇంకెవరు మా సీతమ్మ తల్లి కదా!  పర స్త్రీని కూడా కన్నెత్తి చూడని మహా పురుషుడు రాముడు. ఏకపత్నివ్రతుడు. అయినా పుట్టినరోజు నాడే కళ్యాణం జరిగే అదృష్టం ఈ లోకంలో ఎంత మందికి ఉంటుంది. రామచంద్ర మూర్తి లాంటి మహనీయులకు తప్పితే. ప్రతి ఏట కళ్యాణం దేవుళ్ళకే మనలాంటి వాళ్ళు చేసుకుంటే కారాగారానికే. అబ్బా దేవుడి పెళ్లి శుభలేఖ అందుకున్నాను. తప్పకుండా వెళ్లాలి . మియాపూర్ అడ్రస్ తెలుసు కానీ మిథిలాపురి నాకు తెలియదు.  కళ్యాణం చూసే అదృష్టం ఉంటే దేవుడే అక్కడకి తీసుకెళ్లి పోతాడు. అందుకనే సంకల్పం మనది నెరవేర్చేవాడు ఆ మహానుభావుడు.  భూదేవి అంత కల్యాణ వేదిక మీద వధూవరులు, కన్యాదాతలు  ఆకాశమంత పందిరిలో ఆహ్వానితులందరూ సింహాసనములను అధిష్టించి అతిధి మర్యాదలు పొందుతూ ఉండగా ...

సీతారాముల కళ్యాణం _ ఒక జీవన గుణపాఠం. పెళ్లి… జీవితంలో మధురమైన ఘట్టం. ఇది రెండు మనసుల అనుబంధానికి ప్రతీక. కానీ కాలానుగుణంగా ఈ బంధానికి అర్థం మారిపోతూ వస్తోంది. పెళ్లిని ఒక వేడుకగా, ప్రదర్శనగా చూస్తున్నామే గానీ, దాని అంతరార్థాన్ని గుర్తించడం తగ్గిపోతోంది.  ఈ సందర్భంలో సీతారాముల వివాహం మనకు ఎంతో విలువైన పాఠాలు నేర్పుతుంది. "జానక్యా: కమలామలాంజలి పుటే యా: పద్మరాగాయితా:" ఈ శ్లోకం లేకుండా వివాహ ఆహ్వాన పత్రిక పూర్తి కాదనిపించేంతటి మహత్యం దీని సొంతం. ఇది సీతారాముల కళ్యాణంలో తలంబ్రాల ఘట్టాన్ని వర్ణించే అద్భుత కవిత్వం. సీతమ్మ వడిలో మెరిసిపోయే ముత్యాల తలంబ్రాలు ఎర్రని పద్మరాగ మణుల్లా, రాముడి తలపై మల్లెపూల్లా, ఆయన నీలమేఘ శ్యామ శరీరంపై ఇంద్రనీలాలా జాలువారినట్లు ఈ శ్లోకంలో వర్ణించబడింది. ఇది కేవలం ఒక శ్లోకం కాదు, ఒక మనోహర దృశ్యం! పెళ్లిలో తలంబ్రాల ఘట్టం ఎంతో మధురం. పెళ్లికూతురు లజ్జతో తలవంచుకొని వరుడిపై తలంబ్రాలు పోయే దృశ్యం హృదయాన్ని హత్తుకునే అనుభూతి. కానీ ఈ ఘట్టం వెనుక ఉన్న అర్థాన్ని కొందరు మాత్రమే గుర్తించగలరు. అంతరార్థంగా చూస్తే, తెల్లని ముత్యాలు చంద్రునికి ప్రీతికరమైనవి. ఆనాటి ఋషులు, ...

కుండ మట్టిలో పుట్టిన మాణిక్యం  నరుడికి వేసవి తాపం తీర్చే అమృతభాండం రంగు నల్ల బంగారం  గుండె శీతలయంత్రం  తామరాకు మీద నీటి బొట్టు లాంటి జీవితం  చెయ్యి జారితే ముక్కలయ్యే కుంభం  సప్తస్వరములు పలికిస్తే అది ఘటం  నోరూరించే ఊరగాయకి అదే ఆధారం సాదరంగా ఆహ్వానించేది పూర్ణకుంభం  కడవరకు సాగనంపే ఆత్మీయ భాండం  జోరుగా కురిసే వర్షం కుండ పోత  మట్టిలో పుట్టి మట్టిలో కలిసిపోయే  వట్టి మట్టి పూత. కాకి బావకు దాహం తీర్చే సన్న మూతి కూజా వేసవి వచ్చిందంటే గొంతును చల్లబరిచే తర్బూజ.  రచన మధునాపంతుల చిట్టి వెంకట సుబ్బారావు  కాకినాడ 9491792279

ఇటుక కాళ్ల కింద నలిగిన మట్టి  అచ్చులోదూరి  అమ్మలా మారి  కొలిమి చేరి  ఒళ్ళు కాల్చుకుని  చల్లబడి మాలు అద్దుకుని  గోడకు ఆధారమై  మేడను నిలబెట్టి కలకాలం కష్టసుఖాలన్నీ   చూస్తూ  గోడు వినే నాథుడు లేక  వంద ఏళ్ళు అయిన  నడ్డి విరగకుండా  ఇటుక మంచిది  అని ప్రైజులు కొట్టేస్తుంది. మట్టి పిసికి  అచ్చు పోసిన మహారాజుని  పూరి గుడిసె వెక్కిరిస్తుంది  అరచేతిలో స్వర్గం చూపించే  షావుకారిని రెండంతస్తుల మేడ   గర్వంగా తల  పైకెత్తుకుని తిరిగేలా చేస్తుంది.  నాది డూప్లెక్స్  మెయిన్ రోడ్ లో ఇంకొక కాంప్లెక్స్  అన్నింటికీ ఆ ఊరి ఇటుకే  పైసా ఖర్చు లేని పబ్లిసిటీ ఇటుక ముక్కకి మట్టి పిసికిన మహారాజు  ఎప్పటికీ తెర వెనుక బొమ్మే ఎవరో చెప్పినట్టు ఆడుతున్న  తోలుబొమ్మ. రచన మధునాపంతుల చిట్టి వెంకట సుబ్బారావు  కాకినాడ  9491792279

ప్రణాళిక ఈ సమస్త జీవకోటిలో ఆలోచించే శక్తి, ఆలోచన ఆచరణలో పెట్టే శక్తి ఒక్క మనుషులకే ఉంది. ప్రతి ఒక్కరికి నిత్యజీవితంలో అనేక రకాలైన లక్ష్యాలు ఉంటాయి. చేయవలసిన పనులు ఉంటాయి. ఈ పనులను లేదా లక్ష్యాలను సాధించడానికి ఒక క్రమబద్ధమైన పద్ధతి అవసరం. ఆ పద్ధతిని ప్రణాళిక అంటారు. ఆంగ్ల భాషలో planning అంటారు. నిర్దిష్టమైన ప్రణాళిక లేకుండా ఏ పని మొదలుపెట్టిన అది సఫలీకృతం అవ్వడానికి చాలా కష్టపడాల్సి వస్తుంది. ప్రణాళికంటే ఒక వ్యూహం. ఒక ఆలోచన. ఒక నిర్దిష్టమైన ఊహలతో కూడిన కొత్త మార్గం. ఉదాహరణకి ఏదో విమాన ప్రయాణం చేయవలసి వస్తుంది మహానగరాల్లో ఉండేవాళ్లు ఆ విమానాశ్రయం చేరుకోవడానికి ఒక గంట సమయం పడుతుంది అని అనుకుందాం సాధారణంగా అయితే అక్కడున్న ప్రధాన సమస్య ట్రాఫిక్ వలన ఇంకొక గంట ముందుగా బయలుదేరాలి. అంటే ప్రయాణ సమయం రెండు గంటలుగా ఊహించుకోవాలి . ఆ ఊహ ప్రణాళిక. ఒకవేళ ట్రాఫిక్ జాం వలన కొంచెం ఆలస్యం అయినప్పటికీ నిర్ణీత సమయానికి మనం అక్కడికి చేరుకోగలం.  లేదంటే అనవసరమైన ఒత్తిడి కంగారు అనారోగ్యం కోపాలు తాపాలు ఒకరి మీద ఒకరు నిందలు వేసుకోవడం ఇవన్నీ జరిగిపోతాయి. ఇదంతా అనవసర రాద్ధాంతం.  దూర ప్రాంతాల్లో ఉండే ...

సగం అక్కడ… సగం ఇక్కడ  ఆ మండువా లోగిల్లో, పసిపిల్లల పరుగుల గోలతో, అనుబంధాలు పెనవేసుకున్న ఆనందపు ఆవరణంలో... కాలచక్రం ముందుకు సాగింది, పలకరింపులన్నీ ఓడిపోతూ, స్నేహబంధాలు నెమ్మదిగా నీడలై మిగిలిపోయాయి. ఒకప్పుడు ఉత్సాహంగా నిండిన ఆవరణలో, ఇప్పుడో వెలితి చెమ్మగిల్లిన గాలి మిగిలింది. అన్నదమ్ములు విడిపోయారు, కన్నబిడ్డలు గువ్వల్లా ఎగిరిపోయారు, ఇంటి గూటిని వదిలి వెలుగు వీధుల వైపు వాలిపోయారు. ఏదైనా పండగకైనా, పబ్బానికైనా ఊరికి వస్తారు, తల్లిని పలకరిస్తారు. కానీ ఆ హడావుడి క్షణాలే... ఆశలు చిగురించే సమయం నిదానమే! మేము మాత్రం, రెక్కలు విరిగిన పక్షిలా, పాత గూటిలో మగ్గిపోతూ, మనసు తట్టినప్పుడల్లా, ఒక ఎర్రబస్సు ఎక్కి, ఆత్మీయుల్ని పలకరించి వస్తాం. కానీ మనసులో నిండిపోయే శూన్యం... ఏ దారి తగిలినా, అదే గమ్యం! వయసు మళ్లిన మా జీవితం— సగం అక్కడ… సగం ఇక్కడ… ఆధార్ కార్డు అడ్రస్ ఆంధ్ర రాష్ట్రమైతే, కేరాఫ్ అడ్రస్ తెలంగాణలోని అబ్బాయిదీ!  అది పరాయి రాష్ట్రం కాదు   పరిచయం లేని ఊరు కాదు. తెల్లారి లేస్తే మమ్మల్ని పలకరించేది  పల్లెటూర్లోని మన పక్కింటి వాడే అందుకే మీది ఏ రాష్ట్రం అని అడిగితే  మావి ...

అరటిపండు మేని చూడ పసుపు పచ్చగా ఉండు తొక్క తీసి చూడ చందమామ వలె నుండు అమ్మ రంగు చూడ ఆకుపచ్చగా నుండు కొరికి చూడ తియ్యగా నుండు.  ఆకుతో జత కట్టి పండు తాంబూలమగు.  శివయ్య పూజలో చేరి నైవేద్యంగా మారు  అగరబత్తికి ఆసరా ఇచ్చి పరువు నిలబెట్టు పూజలో ప్రసాదమై భక్తుల నోటికి చేరు. ఆటల్లో అరటిపండు కాదు ఆకులోని అరటిపండు ఏ కాలపు విందుకి అయిన అదే కింగ్. విందు భోజనపు విస్తరిలో కనువిందు చేయు గడ్డ పెరుగు రుచి మరింత పెంచు బక్క చిక్కిన జనులకు బలిమి పెంచు పండులోని ఖనిజం రక్తపోటుని తగ్గించు. ముడతలపడ్డ మొహానికి వెలుగునిచ్చు వెరసి అరటిపండు అంటే పేదవాడి ఆపిల్ పండు. మందు కొట్టి పసుపు పచ్చగా మార్చి అరటిపండు పరువు తీయు చున్నారు కలిజనులు. రంగు భ్రమలో పడి మందు మింగి పొట్ట చేత పట్టుకుని పరుగులు పెట్టుచున్నారు జనులు. ఏమి చెప్పను కదళీఫలము మహిమలు. పుడమి తల్లి ముద్దుబిడ్డ లీలలు. రచన మధునాపంతుల చిట్టి వెంకట సుబ్బారావు           కాకినాడ 9491792279