ఫాస్ట్ ఫుడ్స్

ఫాస్ట్ ఫుడ్ – రుచికి ఋజువు, ఆరోగ్యానికి ప్రమాదం!

ఇవాళ చిన్నపిల్లల నుంచి పెద్దల దాకా ఫాస్ట్ ఫుడ్స్ అంటే చాలా ఇష్టం. బయటకు వెళ్ళిన వెంటనే బర్గర్, పిజ్జా, ఫ్రెంచ్ ఫ్రైస్, నూడుల్స్ లాంటి తిండి తినాలని చాలామందికి తహతహలే. అయితే ఈ రుచికి పెట్టిన ధర మన ఆరోగ్యానికి హాని చేస్తుందని అందరికీ తెలుసు . అయినా ఇంటి భోజనం అంటే ఎవరికి ఇష్టం ఉండక, ముఖ్యంగా చేసుకుని ఓపిక లేక, భార్య భర్త ఇద్దరు ఉద్యోగాలు చేస్తూ ఉండడంతో ఫాస్ట్ ఫుడ్ ల మీద ఆధారపడిపోతున్నారు. విచిత్రం ఏమిటంటే చిన్నపిల్లలకు కూడా ఈ హోటల్ కి తీసుకెళ్లడం అలవాటు చేస్తున్నారు. ఇంక పెద్దయిన తర్వాత వాళ్లకు అదే అలవాటైపోయి హోటల్ ఫుడ్ కి అలవాటు పడిపోతున్నారు. 

ఒకపక్క అనారోగ్యాలు వస్తున్నాయని చెప్తున్నా ఎవరు వినిపించుకునే స్థితిలో లేరు. బజారులోనూ బేకరీలోనూ హోటల్లోనూ దొరికే ఆకర్షణీయమైన ఈ ఫాస్ట్ ఫుడ్ లు జొమాటో స్విగ్గిల ద్వారా తెప్పించుకుని తిని ఆనంద పడిపోతున్నారు. అసలు ఫాస్ట్ ఫుడ్స్ అంటే ఏమిటి? దాని మూలాన శరీరానికి ఏ విధమైన నష్టం జరుగుతుంది అనే విషయం మళ్లీ పునఃశ్చరణ చేసుకుందాం.

ఫాస్ట్ ఫుడ్స్ అంటే ఏమిటి?

ఫాస్ట్ ఫుడ్స్ అనేవి త్వరగా తయారయ్యే, తక్కువ సమయంలో తినగలిగే ఆహార పదార్థాలు. వీటిలో ఎక్కువగా మైదా, చక్కెర, ఉప్పు, ఆయిల్ లు ఎక్కువగా ఉంటాయి. ఇవి ఎక్కువగా హోటళ్ళలో, స్ట్రీట్ ఫుడ్ షాపులలో దొరుకుతాయి.

ఎందుకు ప్రమాదం?

ఫాస్ట్ ఫుడ్స్ ఎక్కువగా తినడం వల్ల శరీరానికి తీరని నష్టాలు కలుగుతాయి:

బరువు పెరుగుతుంది – అధికంగా ఆయిల్, చక్కెర ఉండటం వల్ల శరీరంలో ఫ్యాట్ పెరిగిపోతుంది.

గుండెకు ప్రమాదం – కొలెస్ట్రాల్ పెరిగి, హార్ట్ ప్రాబ్లమ్స్ వచ్చే అవకాశం ఉంటుంది.

జీర్ణ సమస్యలు – జంక్ ఫుడ్ జీర్ణక్రియను దెబ్బతీస్తుంది.

చర్మం మీద ప్రభావం – మొటిమలు, మచ్చలు ఎక్కువగా రావచ్చు.

పోషకాల లోపం – శరీరానికి అవసరమైన విటమిన్లు, మినరల్స్ ఇవిలో ఉండవు.

ఏమి చేయాలి?

వారం రోజుల్లో కనీసం 5 రోజులు గృహంలో తయారైన హెల్తీ ఆహారం తినాలి.

కూరగాయలు, పండ్లు ఎక్కువగా తీసుకోవాలి.

ఫాస్ట్ ఫుడ్స్‌ను నెలకు ఒకసారి మాత్రమే అలవాటు చేసుకోవాలి.

పిల్లలకి చిన్ననాటి నుంచే ఆరోగ్యకరమైన ఆహార అలవాట్లు నేర్పాలి.

ముగింపు:

రుచిని నమ్మి ఆరోగ్యాన్ని కోల్పోకండి. తక్కువ టైమ్ కోసం తినే ఈ ఫాస్ట్ ఫుడ్స్, భవిష్యత్తులో పెద్ద సమస్యలకు కారణమవుతాయి. అందుకే – ఆరోగ్యమే మహాభాగ్యం అనే మాటను మరిచిపోకండి!