పల్లెకవి గోరేటి

మధునా పంతుల చిట్టి వెంకట సుబ్బారావు
పల్లె కవి _ గోరేటి

భారతదేశం కవులకు, కళాకారులకు పుట్టినిల్లు. ఆదికావ్యాల నుంచి ఆధునిక కవిత్వం వరకు, అనేక మంది కవులు సమాజాన్ని ప్రతిబింబిస్తూ, మన సంస్కృతిని అభివ్యక్తం చేశారు. వీరిలో కొందరు ప్రేమను, కొందరు విరహాన్ని, మరికొందరు సమాజాన్ని కవిత్వంగా మలిచారు. అయితే, ఒక కవి మాత్రం తన జన్మభూమి పల్లెను, అక్కడి జీవనాన్ని తన కవిత్వంగా అక్షరాల్లో చూపించాడు. అతను ప్రజా కవి గోరేటి వెంకన్న.

గోరేటి వెంకన్న పాటలు పల్లె జన జీవనంలోని ప్రతిబింబాలు. అతని కవిత్వంలో మట్టివాసన ఉంది.పేదల కష్టసుఖాలున్నాయి, ప్రకృతితో మమేకమైన జీవన సౌందర్యం ఉంది. వేదిక మీద నిలబడి, తన స్వరంతో ప్రేక్షకులను మరో లోకానికి తీసుకెళ్లే శక్తి ఆయన గీతాలలో ఉంది. ఆయన పాటలు కల్పితాలు కాదు, పచ్చి నిజాలు. పల్లె కష్టాలను, ప్రకృతిలోని మాధుర్యాన్ని ప్రతిబింబించే మహాకవి వెంకన్న.

పల్లె కన్నీటి గాథ

"పల్లె కన్నీరు పెడుతోంది" అంటూ చేతివృత్తులపై ఆధారపడిన ప్రజల బాధను తన గీతాల ద్వారా వ్యక్తీకరించారు. వృత్తి కోల్పోయిన పల్లె ప్రజలు పట్టణాల్లో ఎలా అల్లాడుతున్నారో, వారికి ఎదురవుతున్న అనుభవాల్ని పదాల రూపంలో చెబుతారు. "కులవృత్తికి సాటి లేదు గువ్వల చెన్న" అన్నప్పటికీ, జీవితంలో వాస్తవ పరిస్థితులు వేరని స్పష్టంగా చిత్రిస్తారు. "కుమ్మరివాములో తుమ్మల మొలిచెను, కమ్మరి కొలిమిలో దుమ్ము పేరెను" వంటి పాటలలో మునుపటి వృత్తుల పతనాన్ని హృదయ విదారకంగా వివరిస్తారు.
పేదల జీవన చిత్రణ
"గల్లీ చిన్నది" పాటలో పేదల బతుకంతా కళ్లకు కట్టేలా చిత్రించారాయన. "మూడు జానల పోరడు వాడి బాధలేమో బారెడు" అని, రోడ్డుపై బుడగలు అమ్మే పిల్లవాడి బాధను హృదయాన్ని హత్తుకునేలా చెప్పారు. కవి తన చుట్టూ ఉండే ప్రపంచాన్ని పరిశీలించి గాని, అటువంటి భావోద్వేగభరితమైన కవిత్వం రాయలేడు.

ప్రకృతి ప్రేమ
గోరేటి వెంకన్న కవిత్వంలో ప్రకృతి కూడా ఓ ప్రధాన పాత్ర. "నరుడి బ్రతుకు కన్నా పిట్ట బ్రతుకే హాయి" అంటూ, మనిషి కన్నా పిట్ట నిరాడంబర జీవితమే మేలని చెప్పగల కవి. 

అలాగే, "ఓ నల్ల తుమ్మ" పాటలో తుమ్మ చెట్టును మహిమ చెబుతూ , దాని సహజ గుణగణాలను అందంగా ప్రతిబింబించారు. "గురక రాళ్ల సవుక నేలల్లో మొలిసేవు, గుట్టలు రాళ్లు ఉన్న గుబురుగా పెరిగేవు" అని, పల్లె ప్రకృతిని తన పాటల్లో జీవంతో నింపారు.
సారాంశం
గోరేటి వెంకన్న పాటలు పల్లె జీవనానికి అద్దం. పల్లె ప్రజల కష్టాలను, ప్రకృతిని, మట్టివాసనను పదాలలో నింపిన కవి. ఆయన కలం నుంచి మరిన్ని అమృత గీతాలు రావాలని ఆశిస్తూ...

రచన: మధునాపంతుల చిట్టి వెంకట సుబ్బారావు
కాకినాడ
9491792279

కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

ఆరోగ్యం వర్సెస్ ఆహారపు అలవాట్లు

మధునా పంతుల చిట్టి వెంకట సుబ్బారావు
ఆరోగ్యం వెర్సెస్ ఆహారపు అలవాట్లు. ప్రతి జీవికి నిత్యవసరాలలో ముఖ్యమైనది ఆహారం. బ్రతుకు బండి సాగాలంటే శక్తి కావాలి. మనిషికి శక్తి తినే ఆహారo నుంచి  పుడుతుంది. మనిషి శరీరము ఒక నడిచే కారు లాంటిది. కారు నడవాలంటే పెట్రోల్ పోయాలి. అలాగే మనిషి శరీరానికి కూడా సమతుల ఆహారం అందించాలి. విటమిన్లు పిండి పదార్థాలు ఖనిజ లవణాలు పీచు పదార్థాలు శరీరానికి కావలసిన రక్షణను శక్తిని ఇస్తాయి. శాఖాహారులందరూ బియ్యం ఆకులు పండ్లు కాయలు గింజలు ఆహారంగా స్వీకరిస్తారు. మాంసాహారులు వీటితో పాటు జంతువుల మాంసం ఆహారంగా తీసుకుంటారు. అయితే తీసుకునే ఆహారాన్ని పరిమితంగా తినడం, పరిశుభ్ర వాతావరణంలో వండిన పదార్థం తినడo,వేళకు తినడం లాంటి కొన్ని నియమాలు ఉన్నాయి. వీటిలో ఏ నియమం తప్పిన ఆహారం విషతుల్యమవుతుంది. అది మన శరీరానికి మంచి బదులు చెడు చేస్తుంది.  పూర్వకాలంలో తొలి రోజున వండిన ఆహార పదార్థాలను ముట్టుకునేవారు కాదు . అది మడి కాదు ఆచారంకాదు. ఆరోగ్యం కోసం తీసుకున్న జాగ్రత్త.ఆధునిక కాలంలో ప్రతి ఇంట్లో ఉండే రిఫ్రిజిరేటర్లులలో వండిన ఆహార పదార్థాలు దాచుకుని రెండు మూడు రోజుల వరకు ఉంచుకుని తింటున్నారు. ఇది ఆరోగ్యానికి ఎంతవరక...
మరింత చదవండి

కుటుంబం

మధునా పంతుల చిట్టి వెంకట సుబ్బారావు
కుటుంబం ఉదయం ఆరు గంటలు అయింది.  ఆ వృద్ధుల ఆలయంలో మైకు నుంచి విష్ణు సహస్రనామం శ్రావ్యంగా వినపడుతోంది.  ఒంటిమీద తెల్లటి బట్టలు వేసుకుని కాళ్లకు నల్లటి షూ తొడుక్కుని నుదుటన ఎర్రటి బొట్టు పెట్టుకుని సగం సగం నెరిసిన జుట్టుతోసుమారు యాభై ఏళ్ళ వయసు ఉన్న ఒక వ్యక్తి  ప్రతి గది లోకి తొంగిచూస్తూ అక్కడున్న వృద్ధులను ఆప్యాయంగా వరుసలు కలిపి పలకరిస్తున్నాడు.  "పెద్దమ్మ కాఫీ తాగావా! పెద్దనాన్న లేచావా! ఆరోగ్యం బాగుందా! మందులు వేసుకున్నావా! రాత్రి నిద్ర పట్టిందా! ఇలాంటి ప్రశ్నలతో ఆ వృద్ధులందరినీ పలకరించడం ఆయన దినచర్య. ఆ వృద్ధుల ఆలయంలో సుమారు యాభై గదులు ఉంటాయి. ప్రతిరోజు ప్రతి గదిని నిశితంగా పరిశీలించి బాగోగులు కనుక్కోవడం ఆయనకి ఇష్టం. తనకంటూ ఎవరు అయినవాళ్లు లేకపోయినా , అయినవాళ్లు ఉండి కొందరు, ఎవరూ లేకుండా ఆ వృద్ధుల ఆలయంలో చేరిన ప్రతి ఒక్కరిని తన బంధువు లాగే చూసుకుంటాడు . మర్యాదలు చేస్తాడు. కష్టం వస్తే తల్లడిల్లిపోతాడు. ఎవరికైనా అనారోగ్యం వస్తే రాత్రి పగలు తేడా లేకుండా కంటికి రెప్పలా కాపాడుకుంటాడు. అలా ప్రతి గదిలోకి తిరిగి భోజనాశాలలోకి వెళ్లి అందరూ పలహారం తీసుకునే వరకు అక్కడే కూర్చ...
మరింత చదవండి

సాయంకాలం సాగర తీరం

మధునా పంతుల చిట్టి వెంకట సుబ్బారావు
ఆ ప్రదేశంలో అంత ఆకర్షణ శక్తి ఏముంది? సాయంకాలం అయిందంటే చాలు అందరికి వయోభేదం లేకుండా ఆ ప్రదేశానికి వెళ్లాలని మనసు పీకుతుంది. ఒక్కసారి వెళ్ళిన తర్వాత అక్కడ ఏముందో తెలిసిపోతుంది కానీ మాటిమాటికి అదే ప్రదేశం వెళ్లాలని అనుకుంటారు. అంత సమ్మోహన శక్తి ఏముంది అక్కడకు మనము వెళ్లి చూద్దాం. నడుచుకుంటూ వెళితే కాళ్లు కూరుకుపోయే ఇసుక, తీరానికి అలుపు సొలుపు లేకుండా కొట్టుకొచ్చే కెరటాలు ,ఏది తనలో దాచుకోకుండా ఒడ్డు మీదకి విసిరేసే ఆ సముద్రుడు , అది మంచి సరుకో తెలియదు మాయ సరుకో తెలియదు అయినా ఎక్కడినుంచో విదేశాల నుంచి సరుకు మోసుకుని నాలుగు రోజులపాటు ఆ బరువు బాధ్యతలు దింపుకోవడానికి అక్కడ సముద్రంలో రెస్ట్ తీసుకునే పెద్ద పెద్ద పడవలు, మన సరుకు విదేశాలకు రుచి చూపించడానికి తీసుకుపోయే పెద్ద పెద్ద పడవలు ,నిండుగా పదేళ్లు కూడా ఉండవు అయినా బ్రతుకు సమరంలో పాట్లు పడే పిల్లవాడు చిన్న పడవ నడుపుతూ వలలో చిక్కే చేప కోసం కెరటాలకు ఎదురు తిరుగుతున్న దృశ్యం, కొంతమంది ఆ నీళ్లలో జలకాలాడే సన్నివేశం.  అరుపులు గోలలు ఈలలు కేకలు ఒకటేమిటి అది ఒక పెద్ద మార్కెట్ లా ఉంటుంది .ఎవరి మాట ఎవరికీ వినపడదు. భూభాగంలో మూడు వంతులు జలమే ఆక్ర...
మరింత చదవండి