CHITTI1963.

పట్టుదల " అమ్మాా నేను వచ్చే వారమే ఉద్యోగంలో జాయిన్ అవ్వాలి! అంటూ చేతిలో కాగితం పట్టుకుని చక్రాల కుర్చీ తోసుకుంటూ వచ్చి ఆ చల్లటి వార్త చెప్పిన సుధాకర్ ని తల్లి పార్వతమ్మ చేతిలో ఉన్న పని వదిలేసి వచ్చి గట్టిగా కౌగిలించుకునికన్నీళ్లు పెట్టుకుంది. ఇన్నాళ్ళకి నీ కష్టం తీరుతో oది రా చాలా సంతోషo అంటూ ఎక్కడ జాయిన్ అవ్వాలి రా అని అడిగింది. హైదరాబాదులో పోస్టింగ్ ఇచ్చారు అంటూ సమాధానం చెప్పాడు సుధాకర్. దేవుడు ఒకదాంట్లో చిన్న చూపు చూసిన నీకు ఒక దారి చూపించాడు అంటూ సంతోషంతో దేవుడికి దండం పెట్టుకుంది.  సుధాకర్ పార్వతమ్మ గారికి ఆరో సంతానం. పార్వతమ్మ గారి పిల్లలందరూ తెల్లగా బలంగా ఎత్తుగా ఉండేవారు . అంతా తండ్రి పోలిక. అందరిలాగే పుట్టిన సుధాకర్ ఐదేళ్ళు వచ్చేవరకు బాగానే ఉన్నాడు. ఒకరోజు అర్ధరాత్రి ఉన్నట్టుండి విపరీతమైన జ్వరం వచ్చి కాళ్లు చేతులు కదపలేకపోయాడు. సుధాకర్ తండ్రి రామారావు గారు ఆయుర్వేద వైద్యం చేసేవారు. పిల్లవాడి నాడి పరీక్షించి చూసి వాతం కమ్మిందని అనుకుని వైద్యం మొదలుపెట్టారు. అప్పటినుంచి సుధాకర్ కి అన్నీ మంచం మీదే. బిడ్డనీ అలా మంచం మీద చూసి వీడి భవిష్యత్తు ఎలాగని రోజు దిగులు పడుతుండేది ...

కోరిక సాయంకాలం నాలుగు గంటలు అయింది.  కాకినాడలోని జన్మభూమి పార్క్ సందర్శకులతో కిటకిటలాడుతోంది. పిల్లలు అరుపులు కేకలు గోలలు ఈలలతో సందడిగా ఉంది. ఇంతలో ఒక యువ జంట అలా పార్కులో నడుచుకుంటూ వెళుతున్నారు. తెల్లగా బొద్దుగా ఉన్న కుర్రాడు మూడేళ్ల వయసు ఉంటుందేమో ఆ అమ్మాయి కాళ్ళ దగ్గరికి పరిగెత్తుకుంటూ వచ్చాడు.ఆ అబ్బాయిని చూడగానే ముచ్చటేసింది అమ్మాయికి. వెంటనే ఎత్తుకుని పక్కనే ఉన్న భర్త వైపు చూసింది. ఆ చూపులో ఉన్న అర్థం భర్త రాకేష్ కి అర్థమైంది. ఆ చూపు రాకేష్ కి ఏమీ కొత్త కాదు.  పార్కుకి వెళ్ళినప్పుడల్లా ఎవరో ఒకరు పిల్లవాడు కనపడడం ఆ పిల్లవాడి వేపు భార్య రమ ఆశగా చూడడం లేదంటే ఎత్తుకొని ముద్దాడడం రమ రాకేష్ వేపు ఆశగా చూడడంప్రతిసారి జరుగుతున్నదే. రమ అలా చూసినప్పుడల్లా రాకేష్ గుండెల్లో గునపం గుచ్చినట్లు అవుతుంది. మనసు బాధపడుతుంది. ఇంతలో ఆ చంటి పిల్లాడు తల్లి వచ్చి పిల్లవాడిని తీసుకు వెళ్లిపోయింది. అవును మన పిల్లవాడు అయితే మన దగ్గరే ఉంటాడు అనుకుని రమ నిట్టూర్చి ఇంటికి వెళదామా అంటూ భర్తను ఉద్దేశించి చెప్పింది. అంటే రమ బాధపడుతోందన్నమాట. చేసేదేమీ లేక ఇద్దరూ ఇంటికి వెళ్ళిపోయారు.  రాకేష్ ఇంటికి ...

సత్య ఉదయం పది గంటలు అయ్యింది. వృద్ధాశ్రమంలో తన గదిలో మంచం మీద పడుకున్న సత్యకి పక్క మంచం మీద పడుకున్న రాఘవమ్మ దగ్గరికి ఇద్దరు రావడం గమనించింది. ఇద్దరూ కవల పిల్లలు అనుకుంటా. ఒకే పోలిక ఒడ్డు పొడుగు సమానంగా ఉన్నారు. ఇద్దరికీ పెళ్లి అయిపోయింది అనుకుంటా. అంతవరకు మంచం మీద మూలుగుతూ పడుతున్న రాఘవ మ్మ ఆ పిల్లలు రాగానే లేచి కూర్చుని నవ్వుతూ మాట్లాడడం గమనించింది. రాఘవ మ్మ ఆ పిల్లల్ని ఇద్దరినీ పరిచయం చేస్తూ ఇంతవరకు అమెరికాలో ఉండేవారని ఇప్పుడు ఇండియా వచ్చేసారని అందుకని తనని తీసుకువెళ్లడానికి వచ్చారని చెబుతూ తనకి అలాంటి అదృష్టం ఎప్పుడు వస్తుందో అని మనసులో బాధపడుతూ ఒక్కసారి తన గత జీవితం గుర్తుకొచ్చింది సత్యకి " కంగ్రాట్యులేషన్స్ పార్వతమ్మ గారు మీ అమ్మాయి సత్యకి  కవల పిల్లలు పుట్టారు. తల్లి పిల్లలు అంతా క్షేమం. కాసేపట్లో రూముకు పంపిస్తాను అంటూ లేడీ డాక్టర్ సరోజ చెప్తున్న మాటలు లీలగా వినబడ్డాయి సత్యకి. ఒక్కసారి ఆనందం ముంచుకొచ్చింది పిల్లలను చూద్దామని ఎత్తుకుని ముద్దాడాలనిపించింది కానీ ఒళ్లంతా మత్తుగా ఉంది. కళ్ళు తెరవబుద్ధి కావడం లేదు. చంటి పిల్లలు ఏడుపులు లీలగా వినిపిస్తున్నా ఏమీ చేయలేక పడు...

దీపావళి సాయంకాలం ఆరు గంటలు అయింది. ఎక్కడి నుంచో బాణసంచా చప్పుడు వినబడు తోంది. అప్పుడే దీపావళి ప్రారంభమైపోయింది అనుకుంటూ ఇత్తడి పళ్లెంలో వెలిగించిన ప్రమిదలని ఒక్కొక్కటి ఆరుగు మీద పెడుతోంది రమ్య. దీపావళి నాడు అరుగులకు ప్రత్యేక అతిధులు ఈ దీపాలు.  ఈ దీపాలతోటే ఎంత కళ వచ్చింది ఇంటికి అనుకుంటూ గాలికి రెపరెపలాడుతున్న దీపాలను చూసి మనసు ఎక్కడకో పోయింది రమ్యకి. పక్క ఇంటి నుంచి పిల్లల దివిటీలు కొడుతున్న హడావుడి వినపడుతోంది. పిల్లలు చేతులు కాల్చుకుంటారని ఆ తల్లి నానా హైరానా పడిపోతో oది. ఎన్నో జాగ్రత్తలు చెబుతోంది. ఒక్కసారి అవన్నీ చూసి రమ్య మనసు చిన్నతనంలోకి పరుగులెట్టింది. " అమ్మా రమ్య పరికిణి కుచ్చిళ్ళు కొంచెం దగ్గరగా పెట్టుకో. దూరంగా ఉండి ప్రమిదల్లో నూనె పొయ్యి. నువ్వు మతాబులు కాల్చుకో. అన్నయ్య తారాజువ్వలు కాల్చుకుంటాడు. నీకు గె డ కర్రకి మతాబులు కట్టిస్తాను. కాకరపువ్వొత్తులు కూడా నువ్వే కాల్చుకో. ఇలా ఎన్నో జాగ్రత్తలు ప్రతి దీపావళికి అమ్మ చెబుతూనే ఉండే ది. ప్రతి దీపావళికి కొత్త బట్టలు కాకరపువ్వొత్తులు విష్ణు చక్రాలు భూచక్రాలు పాము బిళ్ళలు మతాబులు ఇవన్నీ నా వాటా.  అన్నయ్య కి తారాజు...

ఆడజన్మ  సరోజ గారు ఎవరండీ మేడం గారు మిమ్మల్ని పిలుస్తున్నారంటూ డాక్టర్ గారి గదిలోంచి బయటికి వచ్చిన  నర్సు గట్టిగా పిలిచింది. నేనేనండి ఒక సుమారు 30 సంవత్సరముల వయస్సు గల యువతి చేతిలో ఒక ఫైల్ తో డాక్టర్ గారు గదిలోకి అడుగు పెట్టింది. అది ఒక ప్రసూతి ఆసుపత్రి. డాక్టర్ శ్వేత గైనకాలజిస్ట్ గా చాలా మంచి పేరుంది. వచ్చిన పేషెంట్లను చాలా మంచి హృదయంతో గౌరవంగా ట్రీట్మెంట్ ఇస్తుంది. పేషంట్ల ప్రశ్నలకు ఓపిగ్గా సమాధానం చెబుతుంది. పైగా నార్మల్ డెలివరీ కి ఎక్కువ ప్రాధాన్యత ఇస్తుంది. అందుకే హాస్పటల్ ఎప్పుడు కిటకిటలాడుతూ ఉంటుంది. పురుడు అంటే పునర్జన్మంటారు. ఆడపిల్ల నెలతప్పిన రోజు దగ్గరనుంచి ఈ రోజుల్లో ప్రతి నెల డాక్టర్ చెకప్ కి తిరగడం స్కానింగ్లు తిరగడం తప్పనిసరి. రోజులు అలా ఉన్నాయి నమస్తే మేడం అంటూ రెండు చేతులు జోడించి డాక్టర్ గారికి నమస్కారం చేసింది సరోజ. చెప్పండి అంటూ డాక్టర్ గారు తలపైకి ఎత్తి చూశారు. నా పేరు సరోజ మాది పక్క ఊరు మా ఆయన ఒక చిన్న ప్రైవేట్ కంపెనీలో ఉద్యోగం చేస్తున్నా రు. నాకు ఇద్దరు ఆడపిల్లలు. మళ్లీ ఇప్పుడు నేను అంటూ చేతుల్లోని ఫైలు డాక్టర్ గారు చేతిలో పెట్టింది. డాక్టర్ గారు ...

అమ్మ @ వినాయక చవితి  అగజానన పద్మార్కం గజానన మహర్నిశం అనేక దంతం భక్తానాం ఏకదంత ముపాస్మహే ప్రపంచంలో ఏ శుభకార్యం జరిగిన ముందుగా గణపతి ఆరాధన తోటే మొదలవుతుంది . ఇది శాస్త్రం చెప్పిన విషయం.సృష్టికర్త అయిన బ్రహ్మకు కానీ సృష్టిని పరిపాలించే ప్రభువు విష్ణుమూర్తికి కానీ సృష్టి స్థితి లయకారుడు ఈశ్వరుడుకి కానీ తొలి పూజ అందుకునే అధికారం లేదు. ముందుగా గణపతి ఆరాధన చేయనిదే ఏ పూజ ప్రారంభించలేము. గణపతి పార్వతీ పరమేశ్వరుల ప్రథమ పుత్రుడు. గణాలకు అధిపతి. విఘ్నాలను పారద్రోలేవాడు. ఇలా గణపతి గురించి రకరకాలుగా చెప్పుకుంటూ ఉంటాం. భాద్ర పద శుద్ధ చవితి నాడు ప్రతి ఇంట్లో గణపతి పూజ చేసుకుంటాం. వినాయక చవితి ముఖ్యంగా పిల్లలు పెద్దలు ముదుసలి వారు అనే తారతమ్యం లేకుండా అందరూ చేసుకునే పండగ. మన హిందూ సాంప్రదాయంలో అన్ని వ్రతాలు కుటుంబమంతా కలిసి చేసుకోరు. కొన్ని వ్రతాలు ముఖ్యంగా స్త్రీలకే ఉద్దేశించబడినవి. వినాయక వ్రతానికి అటువంటి తారతమ్యం లేదు. మన ఇంటిలో జరిగే ఏ శుభకార్యామైనా పండుగ అయినా వ్రతమైనా సక్రమంగా నడిపించవలసిన బాధ్యత ముఖ్యంగా ఆ ఇంటి యజమానురాలుదే. ఇంటి యజమానురాలంటే ఇంకెవరు మన అమ్మ లేదా మన భార్య.    పం...

ఏడాదికో మారు హుస్సేన్ సాగర్ లో వినాయకుడు మూడు మునకలు వేసి భాగ్యనగర వాసులకి ముక్తిని ఇస్తాడు. కాపురం బాలేని ఒక చెల్లి ఉద్యోగం రాలేదని ఒక తమ్ముడు బ్రతుకు బాలేదని ఒక సంసారి దిక్కు తోచక ఒకడు దిక్కు లేక మరొకడు పచ్చటి బ్రతుకుని ఆ సాగరంలో కలిపేసినప్పుడు ఊపిరాడకు మరో లోకం చూసినప్పుడు నేనున్నానంటూ తన బ్రతుకు చూసుకోకుండా సాగరంలో మూడుమునకలేసి ఊపిరి ఉన్న వాళ్ళని  ఊపిరి లేని వాళ్ళని కన్నవాళ్ళకి  కట్టుకున్న వాళ్ళకి కడసారి చూపు అందించే మరో అపర వినాయకుడు ఈ భాగ్యనగర జీవి. నామధేయం శివ ఆ సాగరతీరమే అతని అడ్డా జనాలకు ప్రాణహితుడు. రక్షక భటులకు కుడి భుజం. భాగ్యనగరంలోని ఓ బడుగు జీవి బ్రతకడానికి ప్రాణాన్ని పణంగా పెట్టిన త్యాగజీవి. కొన ఊపిరి ఉన్న వాళ్లు సంతోషంగాను ఈ లోకంలో లేని వాళ్ళ బంధుజనం కన్నీళ్ళతోను ఇచ్చే పదో పరకో అదే జీవనాధారం. ఉపకారం అంటేనే పారిపోయే జనం ఉన్న రోజులు పరుల ప్రాణం కోసం ప్రాణం త్యాగం చేసే పరమాత్ముడు సార్ధక నామధేయుడు. భర్త అడుగుజాడల్లోనే భార్య ఆడ ప్రాణం ఆమె వంతు ప్రాణ రక్షణ పంచుకున్నారు చెరి సగం. సమయానుకూలంగా స్పందించడమే వారి వృత్తి ధర్మం. భూమ్మీద నూకలు ఉండి  బతికి వచ్చిన ...

ఊపిరి లేని బొమ్మ ఊపిరి ఉన్నన్నాళ్ళు ఊరు వదిలి రానంది అమ్మ ఊపిరాగి బొమ్మై కూర్చుంది నా బీరువాలో. బొమ్మ చూసినప్పుడల్లా అమ్మ నాతోనే ఉంది  అన్న తృప్తి . అమ్మకైనా బొమ్మకైనా బిడ్డ ఆనందమే సంతృప్తి.  బాల్యంలో అమ్మే నాకు సర్వస్వం  బొమ్మైన అమ్మ నాకు దైవంతో సమానం. బ్రతికున్నన్నాళ్లుఅమ్మకి లేదు క్షణం విరామం. నిత్యం బిడ్డల కోసమే పడేది తాపత్రయం. బొమ్మైన తర్వాత ఆమెకు లేదు అనుభవించే యోగం. ఊపిరి ఉన్న బొమ్మను తయారు చేసేది ఆ పరబ్రహ్మ పది తరాలకు చూపించడానికి బొమ్మను  తయారు చేసే యంత్రం సృష్టించాడు ఈ అపరబ్రహ్మ. మట్టిలో మట్టి గాలిలో గాలి కలిసిపోయిన  తాత గారి బొమ్మ లేకపోయినప్పుడు తెలిసింది  నాకు ఆ బొమ్మ విలువ. సెకనుకో బొమ్మ సృష్టించే యువతరాన్ని అభినందిద్దాం మనమందరం. రచన. మధునా పంతుల చిట్టి వెంకట సుబ్బారావు            కాకినాడ 9491792279

అమ్మాయి కోరిక " అమ్మా సీత ఆ హైదరాబాద్ సంబంధం వాళ్లు ఫోన్ మీద ఫోన్ చేస్తున్నారు. ఇప్పటికి నాలుగు సార్లు చేశారు. మనం ఏదో ఒక సమాధానం చెప్పకపోతే బాగుండదు అంటూ అడిగిన తండ్రి నరసింహాచార్యులకి " నాన్న ఆ సంబంధం నాకు ఇష్టం లేదు. వద్దని చెప్పండి అంటూ చెప్పిన కూతురు సీతవైపు అయోమయంగా చూశాడు నరసింహచార్యులు. ఆ సంబంధానికి ఏమైంది? కుర్రవాడు బంగారు లాంటి సాఫ్ట్వేర్ ఉద్యోగం చేస్తున్నాడు. బోల్డంత జీతం. పైగా కుర్రవాడు అందగాడు. తల్లి తండ్రి కూడా ఉద్యోగస్తులే. వంక పెట్టవలసిన పనిలేదు ఏమిటో ఈ పిల్ల. ఏమి అర్థం కాకుండా ఉంది. అలా అని బలవంతంగా చేస్తే రేపొద్దున పిల్లల కాపురం చేయరు. అప్పుడు కూడా మనమే బాధపడాలి అనుకుంటూ గుడి వైపు అడుగులు వేశాడు నరసింహాచార్యులు. నరసింహ ఆచార్యులు గుడికి వెళ్ళాడు కానీ మనసంతా ఏదో బాధగా ఉంది. ఇప్పటికయిదారు సంబంధాలు ఏదో వంక పెట్టి తిప్పి పంపేసింది. లేక లేక పుట్టిన సీతను చాలా గారాబంగా పెంచాడు నరసింహ ఆచార్యులు. నరసింహ ఆచార్యులు తాతల కాలం నుండి ఆ గుడిని నమ్ముకుని జీవిస్తున్నారు. ఆదాయం అంతంత మాత్రం. కానీ ఏనాడు దేవుడికి లోటు చేయకుండా ఊరివారి సహాయంతో అన్ని ఉత్సవాల్ని అందంగా చేస్తూ కాల...

పుట్టినరోజు " హ్యాపీ బర్త్ డే రా సుధాకర్ అంటూ ఆఫీస్ కి రాగానే కొలీగ్స్ అందరూ సుధాకర్ చుట్టూ చేరి చప్పట్లు కొడుతూ తిరగడం ప్రారంభించారు. అందరికీ థాంక్స్ చెప్పి సుధాకర్ తన సీట్లో కూర్చున్నాడు. అదొక ప్రభుత్వ రంగ బ్యాంకు కార్యాలయం అక్కడ పనిచేసే పదిమంది ఉద్యోగు లు మేనేజర్ దగ్గర నుంచి సబ్ స్టాప్ వరకు ఏ నెలలో ఎవరు పుట్టినరోజులు వచ్చాయో క్యాలెండర్లో నోట్ చేసి పెట్టుకుంటారు. ఆరోజు ఎవరిదైతే పుట్టినరోజు వస్తుందో వాళ్లు హోటల్ లో లంచ్ ఇవ్వాలి. లంచ్ కి వెళ్ళిన తర్వాత అక్కడ కేక్ కట్ చేసి తర్వాత ఎవరికి ఇష్టమైంది వాళ్ళు ఆర్డర్ ఇచ్చుకుంటారు. అలా ప్రతినెల ఎవరిదో ఒకరికి పుట్టినరోజు వస్తూనే ఉంటుంది. రేపు పుట్టినరోజు అనగా ముందు రోజు అందరికీ లంచ్ కి రమ్మని ఎవరిదైతే పుట్టినరోజు అవుతుందో వాళ్ళు ఆహ్వానిస్తారు. ఇది ఆఫీస్ సాంప్రదాయం కానీ సుధాకర్ పుట్టినరోజు ముందు రోజు అటువంటి ఆహ్వానం అందలేదు. అదేంటి రేపు సుధాకర్ పుట్టినరోజు కదా మర్చిపోయాడా ఏమిటి ఎవరికీ చెప్పలేదు కనీసం మేనేజర్ గారికి అయినా చెప్పాడా అని ఎదురుచూసిన సహ ఉద్యోగులు ఆశ నిరాశ అయింది. ఆఫీస్ కి వచ్చిన తర్వాత కూడా సుధాకర్ ఆ లంచ్ మాట ఎత్తలేదు. కానీ అం...

అల్లుడు తెచ్చిన మార్పు  " బాబు రమేష్ మీకు కావలసింది కొనుక్కోండి ఈ డబ్బుతోటి అంటూ సంక్రాంతి పండగకు వచ్చిన అల్లుడికి అత్తగారు రమాదేవి తన బ్యాగ్ లో నుంచి సొమ్ము తీసి అల్లుడు చేతిలో పెట్టింది. "వద్దండి వచ్చినప్పుడు అల్లా ఇవ్వడం ఏం బాగాలేదు. అయినా మాకు సిగ్గుగా ఉంది. దేవుడి దయవల్ల మాకు డబ్బు అవసరమేమీ లేదు ప్రస్తుతం అంటూ తిరిగి డబ్బు ఇచ్చేయబోయాడు అత్తగారికి రమేష్.  మాకు మాత్రం ఎవరున్నారు చెప్పు ఒక్కగానొక పిల్ల ఇంకెవరికి పెడతాము అంటూ బలవంతంగా జేబులో పెట్టేసారు రమేష్ అత్తగారు. రమేష్ ఏమీ చేయలేక సామాన్లు తీసుకొద్దాం అని గదిలోకి వెళ్ళాడు. అక్కడ సామాన్లు సర్దుకుంటున్న భార్య సుజాత తోటి ఇలా అన్నాడు. ఎన్నిసార్లు చెప్పినా వీళ్ళు డబ్బు ఇస్తునే ఉన్నారు ప్రతిసారి అంటూ ఫిర్యాదు చేశాడు. సుజాత ఏమి మాట్లాడకుండా ఆ డబ్బు ఇలా ఇవ్వండి అంటూ రమేష్ జేబులోని డబ్బు తీసుకుని తన బ్యాగ్ లో పెట్టుకుంది. ఆ సాయంత్రం రమేషు సుజాత హైదరాబాద్ బయలుదేరి వెళ్ళిపోయారు.  రామారావు రవణమ్మల ఏకైక సంతానం సుజాత. రామారావు ఎమ్మార్వో ఆఫీస్ లో ఒక చిరుద్యోగి. వెనక ఆస్తిపాస్తులు లేవు. అద్దె ఇంట్లో కాలక్షేపం చేస్తూ ఉన్న ...

పార్వతమ్మ. రాత్రి ఎనిమిది గంటలు అయింది.  ఇంకా ఈ పిల్ల ఇంటికి రాలేదేమిటి ఒకసారి కోడలు రేవతినీ అడిగి చూద్దాం. ఏమైనా ఫోన్ చేసిందేమో అంటూ వంటిల్లు వేపు తొంగు చూసి "అమ్మా రేవతి పద్మ ఇంకా ఇంటికి రాలేదా ఏంటి చీకటి పడిపోయింది అని అడిగింది. రోజు ఇలాగే వస్తుంది అంటూ సమాధానం చెప్పింది కోడలు రేవతి. వయసు వచ్చిన పిల్ల ఇంతవరకు ఇంటికి రాకపోవడం ఏమిటి తల్లి కూడా ఏమీ చెప్పటం లేదు ఏమిటో ఈ పిల్లలు, బయట భయాలుగా ఉన్నాయి అంటూ గట్టిగా అరిచింది రేవతి అత్తగారు పార్వతమ్మ.  భయపడవలసిన పని లేదండి అత్తయ్య గారు ఈ సిటీలో ఇలాగే ఉంటారు ఆడపిల్లని కంగారు పడక్కర్లేదు ఇవి ఆ రోజులు కాదు . అంటూ ధైర్యంగా సమాధానం చెప్పింది రేవతి. ఏమిటో నాకైతే చాలా భయంగా ఉంది. మా పిల్లల చిన్నప్పుడు మగ పిల్లలైనా సరే ఆడపిల్లలైనా సరే చీకటి పడే వాళ్ళకి ఇంటికి రాకపోతే మీ మామగారు ఊరుకునేవారు కాదు. ఇప్పుడు అలా బెల్లం కొట్టిన రాయిలా కూర్చుంటున్నారు గానీ అప్పుడు చిందులు తొక్కేవారు అంటూ చెప్పుకుంటూ వచ్చింది పార్వతమ్మ.  పార్వతమ్మ రఘురామయ్యల ఆరుగురు సంతానంలో పెద్దవాడు రామరాజు. రామరాజు హైదరాబాదులో ఒక జాతీయ బ్యాంకులో రీజనల్ మేనేజర్ గా పని చ...

బుట్ట భోజనo ఆ నగరానికి పనిమీద వచ్చిన వాళ్ళు ఎవరు ఆ భోజనశాలలో అడుగుపెట్టకుండా ఉండరు. ఆ ఆతిథ్యం స్వీకరించకుండా ఉండరు. కొసరి కొసరి వడ్డించే ఆ అమృతాన్ని తిని సంతృప్తిగా మెట్లు దిగుతారు. పుచ్చుకున్న దానికి రెండు రెట్లు ఎక్కువగానే పెట్టాడు అనుకుని ఆశీర్వదించి వెళ్తారు. సుమారు యాభై సంవత్సరాల నుంచి అందరి అధరాలకు అమృతాన్ని పంచి ఇచ్చిన ఆ భోజనశాల ఏమై ఉంటుందో ఊహించండి? ఆ నగరం పేరు చెప్పుకోండి చూద్దాం. ఒక చిన్న హింట్ ఇస్తాను. దాని పేరు బుట్ట భోజనం. అమ్మ చేతి వంటలా మురిపిస్తుంది. విందు భోజనాన్ని మరిపిస్తుంది. బుట్టలో ఒదిగి మీ ముంగిట వాలుతుంది. ఆ వీధి పేరు ఒక ప్రముఖ నటుడిది. ఆ భోజనశాల పేరు ప్రపంచానికి మార్గదర్శకమైన గీతను బోధించినవారి పేరు. ఈ బుట్ట భోజనం కాకినాడ మహానగరంలోని సుబ్బయ్య గారి హోటలు వారి ట్రేడ్ మార్క్..సుమారు 50 సంవత్సరాల క్రితం విద్యార్థులకి క్యారేజీలతో భోజనం సరఫరా చేసే ఒక చిన్న భోజనశాలగా నగరంలో అడుగుపెట్టి ఈనాడు రాష్ట్రంలోనూ పొరుగు రాష్ట్రంలోను శాఖలు పెట్టి ప్రజాదరణ చూరగొన్న సుబ్బయ్య గారు హోటల్ రుచికి మహారాజు, ఆతిథ్యానికి పెట్టింది పేరు. కాకినాడ మహానగరానికి వన్నెతెచ్చిన భోజన శాల....

మారిన పల్లె   పల్లెటూరు అనగానే చుట్టూ పచ్చని పొలాలు ,పిల్ల కాలువలు పెద్ద కాలువలు ,కాలువగట్లు ,కొబ్బరి తోటలు, అరటి తోటలు మామిడి తోటలు ,చల్లటి పైరగాలి,పెద్ద పెద్ద పెంకుటి ళ్లు ఇలా బాపూగారి బొమ్మలా ఉంటాయి .సహజత్వానికి దగ్గరగా ఉంటాయి. మనుషుల మధ్య బంధాలు అనుబంధాలు కృత్రిమత్వం ఎక్కడ ఉండదు. సాయం అంటే ఒక అడుగు ముందు సహాయం అంటే అందరికంటే ముందు ఉండే జనంతో నిండుగా ఉండేది పల్లెటూరు. చేతిలో చెర్నాకోలు పట్టుకుని నాగలి కి రెండు ఎడ్లు కట్టుకుని వాటిని అదిలిస్తూ బురద తొక్కుకుంటూ పొలం దున్నుతూ చేతులు బొబ్బలెక్కిన కర్తవ్య నిర్వహణ ఆపకుండా ఆ పొలంలో బంగారం పండించడానికి కృషి చేసే రైతన్నల అడ్డా మన పల్లెటూరు. పల్లె పదాలు పాడుకుంటూ ఊడ్పు చేలో మొక్కలు నాటే పల్లె పడుచులు ఉండే ఊరు పల్లెటూరు. పైరు ఎదిగి పూతపూసి గింజ కాసి గింజల బరువుకి నడువొంగి న పైరు తల్లిని కోత కోసి జోడెడ్లతో నూర్పించి దూళి వేరుచేసి బంగారు రాశులు ఇంటికి చేర్చే రైతన్నల సంతోషం ప్రతి సంక్రాంతి పండుగ కి వాకిళ్లలో చుక్కల ముగ్గు గా వెలుగుతున్న ఊరు పల్లెటూరు.   మా అమ్మ అన్నపూర్ణ. మేము రైతన్నలము. మేము చేసేది వ్యవసాయం. గాల్లో ఎగిరే పక్షికి ,...

పార్టీ  రంగ మ్మా ఈరోజు రాత్రి మన ఇంట్లో పార్టీ ఉంది. అయ్యగారి బంధువులు స్నేహితులు చాలా మంది వస్తారు. గుమ్మానికి బంతిపూల దండలు కట్టు. కర్టెన్ లన్ని మార్చెయ్యి. ఇల్లంతా తడి గుడ్డు పెట్టు . డైనింగ్ టేబుల్ మీద పింగాణీ సామానంతా పెట్టు. వాటర్ బాటిల్స్ తెప్పించు.భోజనంలోకి ఒక స్వీట్ హాట్ బిర్యాని సాంబార్ అన్నం ఒక వేపుడు అప్పడాలు వడియాలు రెడీ చెయ్యి అంటూ గబగబా చేయవలసిన పనులు లిస్టు చెప్పేసింది ఆ లంకంత కొంపకి యజమానురాలు సుమిత్ర. సుమిత్ర భర్త సుధాకర్ గారు పెద్ద సివిల్ కాంట్రాక్టర్. చాలా పెద్ద పెద్ద వాళ్లతో పరిచయాలు. బాగా సంపాదించాడు. సుమిత్ర గారికి ఇద్దరు మగపిల్లలు. సిటీలో బాగా పేరు మోసిన స్కూల్లో చదువుకుంటున్నారు. రంగమ్మ కూడా అదే కాలనీలో గెడ్డ పక్కన రేకుల షెడ్డులో కాపురం ఉండి ఆ చుట్టుపక్కల పది ఇ ళ్లలో పాచి పని చేసుకుంటూ పిల్లల్ని చదివించుకుంటూ కాలక్షేపం చేస్తోంది. భర్త ఆటో నడుపుకుంటూ ఉంటాడు. సుమిత్ర గారికి పిల్లల్ని బయటకు పంపించడం భయమేసి రంగమ్మ పిల్లల్ని క్రికెట్ ఆడుకోవడానికి రమ్మంటారు ప్రతి ఆదివారం .సుమిత్ర గారి పిల్లలతో రంగమ్మ పిల్లలు రాజు ,రవి క్రికెట్ ఆడుకుంటూరు. క్రమేపి వాళ్...

కుటుంబం ఉదయం ఆరు గంటలు అయింది.  ఆ వృద్ధుల ఆలయంలో మైకు నుంచి విష్ణు సహస్రనామం శ్రావ్యంగా వినపడుతోంది.  ఒంటిమీద తెల్లటి బట్టలు వేసుకుని కాళ్లకు నల్లటి షూ తొడుక్కుని నుదుటన ఎర్రటి బొట్టు పెట్టుకుని సగం సగం నెరిసిన జుట్టుతోసుమారు యాభై ఏళ్ళ వయసు ఉన్న ఒక వ్యక్తి  ప్రతి గది లోకి తొంగిచూస్తూ అక్కడున్న వృద్ధులను ఆప్యాయంగా వరుసలు కలిపి పలకరిస్తున్నాడు.  "పెద్దమ్మ కాఫీ తాగావా! పెద్దనాన్న లేచావా! ఆరోగ్యం బాగుందా! మందులు వేసుకున్నావా! రాత్రి నిద్ర పట్టిందా! ఇలాంటి ప్రశ్నలతో ఆ వృద్ధులందరినీ పలకరించడం ఆయన దినచర్య. ఆ వృద్ధుల ఆలయంలో సుమారు యాభై గదులు ఉంటాయి. ప్రతిరోజు ప్రతి గదిని నిశితంగా పరిశీలించి బాగోగులు కనుక్కోవడం ఆయనకి ఇష్టం. తనకంటూ ఎవరు అయినవాళ్లు లేకపోయినా , అయినవాళ్లు ఉండి కొందరు, ఎవరూ లేకుండా ఆ వృద్ధుల ఆలయంలో చేరిన ప్రతి ఒక్కరిని తన బంధువు లాగే చూసుకుంటాడు . మర్యాదలు చేస్తాడు. కష్టం వస్తే తల్లడిల్లిపోతాడు. ఎవరికైనా అనారోగ్యం వస్తే రాత్రి పగలు తేడా లేకుండా కంటికి రెప్పలా కాపాడుకుంటాడు. అలా ప్రతి గదిలోకి తిరిగి భోజనాశాలలోకి వెళ్లి అందరూ పలహారం తీసుకునే వరకు అక్కడే కూర్చ...