అచ్చులు

అచ్చులు అంటే ఇవి బెల్లపు అచ్చులు కావు. బెల్లపు అచ్చులంత తీయగా ఉండే తెలుగు భాషకు గుండెకాయ లాంటి తెలుగు అక్షరాలు. తెలుగు భాషలో 56 అక్షరాలు. వీటిలో అచ్చులు హల్లులు రెండు విభాగాలు. 

ఈ అక్షరాలనుంచి వచ్చే అమృత తుల్యమైన పదాలు మన జీవితంతో చాలా ముడిపడి ఉంటాయి. తెలుగు భాషలోని మొదటి* అ * అనే అక్షరంతో ప్రారంభం అయ్యే అమ్మ అనే పదం ప్రతి మానవుడి జీవితానికి చాలా ముఖ్యమైంది. అమ్మ లేకపోతే మనం బొమ్మే. అమ్మ అంటే ప్రేమకు ప్రతిరూపం జీవనానికి ఆరంభం. 

ఏదైనా అందమైన దృశ్యం చూసినప్పుడు గానీ పుష్పం చూసినప్పుడు గానీ ఆకాశంలో హరివిల్లు ని చూసినప్పుడు కానీ మనసు తెలియని భావం కళ్ళ ద్వారా వ్యక్తపరుస్తుంది. మొహం వెలిగిపోతుంది. 

కష్టసుఖాలు పంచుకునే నిలయం ఇల్లు. ఆ ఇల్లు అనే పదంఇ అనే అక్షరంతో మొదలైంది

సృష్టి స్థితి లయకారకుడు ఈశ్వరుడు. ఈ అనే అక్షరం నాకు అందుకే చాలా గర్వం అంటుంది.

 మన జీవితంలో ఆశ్రయం ఇచ్చే వాడు ఉపాధ్యాయుడు.జ్ఞానంతో మనసును వెలిగించే దీపమయ్యే ఆచార్యుడు లేకపోతే, మన జీవితం చీకటిలోనే మిగిలిపోతుంది.అందుకే ఉ అక్షరం జ్ఞానానికి ప్రతీక.

అమ్మతనం అంటే ఊయల.శిశువు ఊయలలో తల్లి పాటలు విని పెరుగుతుంది. ఆ ఊయలలోనే జీవితపు మొదటి కలలు, మొదటి నవ్వులు, మొదటి మాటలు పుడతాయి.అందుకే ఊ అక్షరం మమకారానికి ప్రతీక.

మన శరీరానికి, ఆత్మకు ధారాళం ఇచ్చేది ఋషులు.

వారి జపాలు, వారి తపస్సు మన సంస్కృతికి ఆధారం. ఋణం అనే పదం కూడా ఇక్కడే గుర్తుకు వస్తుంది – తల్లిదండ్రుల ఋణం, గురువుల ఋణం, భూమి ఋణం.అందుకే ఋ అక్షరం కృతజ్ఞతకు ప్రతీక. 

మన జీవితంలో ఎప్పటికీ తీరని బంధం ఎదుటి వాడు.మన కష్టం చూసి సహాయం చేసే వాడు, మన సంతోషం చూసి హర్షించే వాడు.అందుకే ఎ అక్షరం సహృదయానికి ప్రతీక.

జీవితానికి ఏకత్వం అవసరం. కుటుంబంలో, సమాజంలో, దేశంలో – ఏకత్వమే శాంతి, సుఖానికి మూలం.అందుకే ఏ అక్షరం సమగ్రతకు ప్రతీక.జ్ఞానం విత్తనం వేసే మూలం ఐకమత్యం.మనసులు కలిసినప్పుడు పెద్దపెద్ద పనులు సాధ్యమవుతాయి.అందుకే ఐ అక్షరం సహకారానికి ప్రతీక.

జీవితపు తొలకరి సంతోషం ఒడిలో లభిస్తుంది.

తల్లి ఒడిలో శాంతి, తండ్రి ఒడిలో భరోసా, బంధువుల ఒడిలో ఆనందం.అందుకే ఒ అక్షరం సాంత్వనకు ప్రతీక.మన హృదయంలో ఎల్లప్పుడూ వినిపించే నాదం ఓం.

ఆ ఒకే అక్షరం సృష్టి, స్థితి, లయాన్ని కలిగించిన పరమాత్మకు ప్రతిరూపం.అందుకే ఓ అక్షరం పరమతత్త్వానికి ప్రతీక. ప్రకృతి ఇచ్చే మహాదానం ఔషధం.మనకు వ్యాధులు వస్తే నయం చేసే మూలికలు, మొక్కలు ప్రకృతిలోనే ఉన్నాయి.

అందుకే ఔ అక్షరం ఆరోగ్యానికి ప్రతీక.