సూత్రధారి

నీ లీలారంగంలో పాత్రనై పుట్టాను,

నీ కరుణాకటాక్షంలో శరణాగతినై నిలిచాను,

నీ పాదపద్మాల చెంత విశ్రాంతినై లీనమయ్యాను.

నేను నీ సంకల్పసూత్రాలకు కట్టుబడిన కీలుబొమ్మను;

తెరపై తెల్లవారుజామునే నాట్యం ఆరంభింపజేసేది నీవే,

తెరదించి నాటకసమాప్తి ఘడియను నిర్ణయించేది నువ్వే.

తెరపై నటనకు “మహానటుడు” అనే మహిమాబిరుదులు నీవే ప్రసాదిస్తావు,

ఆ బిరుదుల మత్తులో నేను ఉప్పొంగి ఉరకలేస్తాను;

పాత్రపరిసమాప్తి వేళ మెడలో పూలహారాలు వేయిస్తావు,

ఆ హారాల పరిమళంలో కూడా నీ చిత్తమే దాగి ఉంటుంది.

నేను క్షణిక పాత్రధారిని —

నీవు శాశ్వత సూత్రధారివి

నేను నటనలో నిమగ్నుడను 

నీవు లీలలో పరిపూర్ణుడవు.

నా ఆరంభం నీ సంకల్పం,

నా ముగింపు నీ మౌనం.

నటించిన ప్రతి క్షణమూ నీకర్పణం.

రచన మధునాపంతుల చిట్టి వెంకట సుబ్బారావు 

కాకినాడ 9491792279