మానవత్వం

చెయ్యి అందిస్తే 

కొన్ని కాళ్లు ఎవరెస్టు శిఖరం 

అవలీలగా ఎక్కేస్తాయి. 

భుజం మీద చెయ్యి వేస్తే 

నిండుగా ఉన్న గుండె 

దూదిపింజలా తేలిపోతుంది. 

కళ్ళలోకి సూటిగా చూస్తే 

గుండెలోని దిగులు కనబడుతుంది 

డొక్క మాడుతోoదని తెలుస్తుంది.

జేబు నిండుగా ఉంటే 

మాట హుషారుగా ఉంటుంది 

ఒక్క మాట తోడైతే

అనాథల మనసు

ఆశలతో నిండిపోతుంది.

ఒక్క చిరునవ్వు

వేడిగా ఉన్న హృదయానికి

వేసవి జల్లుగా అనిపిస్తుంది.

తల తాకితే

తల్లి స్పర్శలా

బరువు జీవితమే తేలికైపోతుంది.

ఆపితే వినడానికి

ఆకులాంటి మనసు

వేసవి గాలిలా ఊదిపోతుంది.

చూపు తిప్పితే

ఒంటరితనపు నిశ్శబ్దం

చిలికిన శబ్దమై మారిపోతుంది.

అన్నీ తెలిసిన మానవుడు 

చూపుదిప్పకుండా చూస్తూ ఉండిపోతే 

మానవత్వం అర్థం మారిపోతుంది.

రచన మధునాపంతుల చిట్టి వెంకట సుబ్బారావు 

కాకినాడ 9491792279