డాలర్ చదువులు

 డాలర్ చదువులు – ఓ మాయాజాలం

ఒకప్పుడు విద్య అనేది జ్ఞాన సముపార్జనకు , ఉపాధికి మార్గం. కాలక్రమేణా చదువుకునే విద్య గమ్యం మారింది.గురువుగారి ఆశీర్వాదం కాదు.డాలర్ దేవుడి దీవెన కోసం చదువుతున్నారు.

ఇష్టం లేని చదువు.ఆసక్తి లేని ఉద్యోగం.మనసు లేక బతుకు బండి ఈడుస్తున్నారు.

పిల్లల కలల్ని మరిచి తల్లిదండ్రుల కలల కోసం పరుగులు పెడుతున్నారు.పిల్లల అభిరుచుల్ని మంటల్లో ఊరబెట్టి ధన సంపాదన కోసం పరుగులు తీయిస్తున్నారు.

ఎక్కడ చూసినా — ఓటీస్, గ్రీవ్స్, ఎంబసీ సూట్ కేసులు అమెరికా వైపు కన్నులు.డాలర్ వైపు కలలు.

"నీకు ఏమవ్వాలని ఉంది?" అని అడగరు.

"ఎక్కడ సెటిల్ అవుతావు?" అని మాత్రమే అడుగుతారు.

ఇంజనీర్ కావాలంటే, ఇంటరెస్ట్ కాదు — ఇంటి ఇన్‌స్టాల్‌మెంట్ల కోసం.

డాక్టర్ కావాలంటే, సేవ కాదు — సంపద కోసం.

కళా విద్యలు సాహిత్య రసాలు? సంగీతం, నాట్యం? ఈ మాటలన్నీ డబ్బు ఖర్చు చేసే పిచ్చి కలలు!

నిన్నా, నేడూ, రేపూ — చదువు వ్యాపారం.విద్యా మందిరాలు కాదు — డాలర్ తయారీ సంస్థలు.

పిల్లల మనసు ప్రశ్నిస్తోంది:"నేను బతికినందుకు బహుమతి డాలరా?""నా కలల విలువ డాలర్ మారకం రేటుతో కొలవాలా?"

ఇంకా ఆలస్యం లేదు.చదువు మానవతా ద్యోతకమవాలి.

చదువులో ఆనందం గుబాళించాలి.పిల్లల కలలకు రెక్కలు పెరగాలి.

డాలర్ చదువులు కాదు —

మనసుని గెలిపించే చదువులు కావాలి 

రచన: మధునాపంతుల చిట్టి వెంకట సుబ్బారావు 

కాకినాడ 9491792279