నేను నటుడ్ని

 "నేను నటుడ్ని"

చిన్నప్పుడు అందరూ నేర్చుకున్నవి అవే తెలుగు అక్షరాలు. కానీ కొంతమంది ఆ అక్షరాలు తోటే అనేక పదాలు 

ఆ పదాలతోటి అందమైన భావం వచ్చే పాటలు రాయడం వాళ్లకి అందమైన కళ.

కొన్ని పాటలు వింటుంటే సినిమాలోని ఆ పాత్రలు మన ముందున్నట్లు ఉంటుంది. ఆ రచయిత పాత్రలోకి పరకాయ ప్రవేశం చేసి పాటలు రాసినట్లు ఉంటుంది. అది అమ్మవారి అనుగ్రహం. 

 పాట రాయడం అంటే ఆషామాషీ విషయం కాదు. తెలుగు భాష మీద మంచి పట్టు ఉండాలి. పదం గుర్తుకు రావాలి. సందర్భానికి సన్నివేశానికి ఆ పాట సరిపోయేటట్టు రాయాలి. పాటలు రాయడానికి ప్రత్యేకమైన కోచింగ్ సెంటర్లు ఏవి ఉండవు. దైవ అనుగ్రహం తప్పితే. 

ఒక మంచి పాట రావాలంటే మంచి సన్నివేశాలు ఉన్న సినిమా ఉండాలి. అంటే సినిమాలో మంచి కథ ఉండాలి. కథను బట్టి సన్నివేశం. సన్నివేశానికి అనుగుణంగా మంచి పాట పుడుతుంది. 

ఈ సినిమా కథ అంతా ఒక రంగస్థలం నటుడు జీవితం మీద నడుస్తుంది . ఆ రంగస్థల నటుడు తనలో తాను పాడుకునే పాట ఇది . 

రంగస్థలం నటుడు జీవితమంతా ఇందులో ఉంది. వేదిక ఎక్కిన రంగస్థలం నటుడు ఎలా ఉంటాడో అంతా పాట రూపంలో చూపించాడు ఈ రచయిత. ఆ రచయిత పేరు లక్ష్మి భూపాల. చాలా అందమైన పాట. అద్భుతమైన పాట. అందుకే ఈ విశ్లేషణ.

నేనొక నటుడిని అంటూ సాగే పల్లవి తో ప్రారంభమైన ఈ పాట ఒక రంగస్థలం నటుడు జీవితం అంతా మన కళ్ళ ముందు ఉంచింది. ఈ పాట విన్నంతసేపు పూర్వకాలంలో రంగస్థలం మీద పాతకాలం నటులు మనకి కళ్ళ ముందు కనబడతారు.

 చూడండి వాళ్ళు వాడే అట్ట కిరీటం ,కీలుగుఱ్ఱం, చంకీల బట్టలు, అట్ట కత్తి , కాగితం పూలు, ఇట్లాంటి పదాలతో మొదటి పల్లవి సాగుతుంది.

ఇది కేవలం ఒక పాట కాదు – ఇది ఒక కళాకారుడి మనసులోని తత్వచింతన, బాధ, గర్వం, అస్థిత్వ విచారణల మేళవింపుతో కూడిన అంతరాత్మ గీతం.

ఈ పాట చరణంలో ఒక వాక్యం" నాది కాని జీవితాలకు జీవం పోసే నటుడిని నేను అంటాడు కవి.

ఈ మొదటి పదాలు ఎంతో భావనలతో నిండినవి. నటుడు తనను తాను తెలుసుకునే ప్రయత్నంలో, తాను "తనది కాని జీవితాలకు జీవం పోసే" వాడినని చెప్పడం, అతని సృజనాత్మక బాధ్యతను చాటుతుంది. ఇతని పని తనదికాని పాత్రలకు ప్రాణం ఇవ్వడం. కానీ – అతనికి తన జీవితం అంత స్పష్టంగా కనిపించడం లేదు.

పాత్రల వెనుక మనిషి:

> "వేషం కడితే అన్ని మతాల దేవుడ్ని, వేషం తీస్తే ఎవ్వరికీ కాని జీవుడ్ని"

ఇది నటుడి జీవితం గల విరోధాభాసాన్ని తెలుపుతుంది. రంగస్థలంపై అతను దేవుడిని – రాముడిని, కృష్ణుడిని, అల్లాను, యేసును పోషించగలడు. కానీ వేషం తీసేసిన తరువాత అతనికి గుర్తింపు లేదు. ఇది కళాకారుడి దుర్వ్యవస్థను బలంగా వ్యక్తపరుస్తుంది.

వర్ణనాత్మక పదాలు – నటుడి స్థితిగతులు:

> "నవ్విస్తాను, ఏడిపిస్తాను, ఆలోచనల సంద్రంలో ముంచేస్తాను...

ఇక్కడ నటుడి సామర్థ్యాన్ని వివరించే ఈ పదాలు, అతని అద్భుతమైన ప్రజ్ఞను తెలియజేస్తాయి. కానీ వెంటనే వచ్చే లైన్:

> "నలుపు తెలుపుల గందరగోళంలో బ్రతుకుతుంటాను..."

అతని వ్యక్తిగత జీవితం మాత్రం గందరగోళంగా ఉందని చెబుతుంది. రంగుల ప్రపంచాన్ని అందించగలిగినవాడు తన జీవితాన్ని మాత్రం స్పష్టంగా చూడలేని పరిస్థితి – ఇది చాలా ఎమోషనల్ గా ప్రభావితం చేస్తుంది.

కాలంతో నటుడి సంబంధం:

> "జగానికి జన్మిస్తాను, సగానికి జీవిస్తాను, యుగాలకి మరణిస్తాను..."

ఇది కాలాన్ని దాటి కళాకారుడి ప్రాసంగికతను చెప్పే భాగం. నటుడు తన జీవితాన్ని వేరేలా అనుభవిస్తాడు. పాత్రల ద్వారా యుగాలు జీవించి, తన అసలు జీవితం మరచిపోతాడు.

నటుడి అస్థిత్వ విచారణ:

> "లేనిది ఉన్నట్టు చూపే కనికట్టుగాడ్ని, ఉన్నది లేనట్టు చేసే టక్కుటమారపోడ్ని..."

 "అసలు ఉన్నానో లేనో తెలియని ఆఖరి మనిషిని..."

ఇది గొప్ప తాత్వికమైన వాక్యం. తన వేషాల మధ్య నిజమైన ‘నేను’ ఎవరో తెలియని స్థితి – ఇది ప్రతి కళాకారుడి అంతరంగంలోని నిశ్శబ్ద రోదన.

అభిమానుల ప్రేమ, కానీ ఒక లోపం:

> "అప్సరసల ఇంద్రుడ్ని, అభిమానుల దాసుడ్ని, అందరికీ ఆప్తుడ్ని..."

ఇక్కడ ఆయన అభిమానులకిచ్చే ప్రేమను, అభిమానులు ఇచ్చే ఆదరణను తెలియజేస్తాడు. కానీ అదే సమయంలో...

> "చప్పట్లను భోంచేస్తూ ఈలలను శ్వాసిస్తూ అణుక్షణం జీవించే అల్ప సంతోషిని నేను..."

ఈ వాక్యాలు అతని అసంతృప్తిని బయటపెడతాయి. చప్పట్లు శాశ్వతం కావు. ఈలలు గాలి లాగా – ఉంటాయి, పోతాయి. కానీ జీవితం మాత్రం లోపలి ఖాళీతో నిండి ఉంటుంది.

ముగింపు భాగం – నటుడి విన్నపం:

> "ఆఖరి శ్వాస వరకు నటనే ఆశ నాకు..."

"నటుడిగా నన్ను ఇష్టపడ్డందుకు శతకోటి నమస్సులు మీకు..."

ఈ ముగింపు వాక్యాలు పాటలోని అంతరంగీయతకు పూర్ణతనిస్తాయి. తనకు ప్రేక్షకుల ప్రేమే అసలైన బలం అని, తాను పట్ల వారి ప్రేమే తనకు అత్యుత్తమ పురస్కారం అని చెప్పే నటుడి మనస్సు ఎంతో వినమ్రంగా, మృదువుగా నిలుస్తుంది.

సారాంశంగా:

"నేనొక నటుడ్ని" అనేది కేవలం ఓ గీతం కాదు. ఇది ఒక గొప్ప కళాకారుడి జ్ఞాపక కవిత్వం. ఇది ప్రతి కళాకారుడి మనసులో ఉండే “నేను ఎవరు?” అనే ప్రశ్నకు ఒక భావప్రధమైన ప్రతిస్పందన. ఇది కళా ప్రపంచాన్ని అభిమానించే ప్రతి ఒక్కరికీ ఓ గుర్తుంచుకోదగ్గ మేలుకోలు.

రచన మధునాపంతుల చిట్టి వెంకట సుబ్బారావు 

కా కినాడ 9491792279