మనవరాలు

అసలు కన్న వడ్డీ ముద్దు 

జనుల అనుభవం నుంచి వచ్చిన సామెత

పాతికేళ్లు పెంచి పోషించిన అనుబంధం.

నా రక్తం పంచుకు పుట్టిన కన్నపేగుతో బంధం.

కన్న పేగుతో అనుబంధం సహజమే

పట్టుమని పది నెలలు కూడా లేని చంటి దానితో 

అంతకుమించిన అనుబంధం.

తాత తన తరం కోరుకుంటాడు 

తరం తోటే తాత తరిస్తాడు.

తరం కోసమే తాత కలవరించి పోతాడు.

కన్నపేగు బిడ్డకు జన్మనిస్తే కన్నుల పంట కదా.

తాతకి.

వయసు మీరిన తాతకు చంటిది కదా వరాల మూట

వరాలిచ్చే వారిని దేవుడు అంటారు

అందుకే పిల్లలు దేవుడు సమానం.

ఆ వరాల మూట దేవుడిలా ప్రత్యక్షమౌతుంది.

పట్టుమని పది రోజులు పండగలా జరిగిపోతుంది.

ముద్దు ముద్దు మాటలతో మురిపిస్తుంది.

ఆటపాటలతో అలరిస్తుంది.

నడక రాలేదు నాలుగు మూలలకి పోతుంది.

 కనిపించిన వన్నీ నోటి పరం.

అదే నిత్యం తాతకు భయం.

పాటలంటే ప్రాణం.

టక్కున చూపంతా ఆ వైపే.

రక్తంలోనే ఉంది రాగం.

అందుకే పాట అంటే అభిమానం.

అమృతం అక్కర్లేదు అమ్మపాలు వేళకు ఇస్తే చాలు.

బొమ్మలతో ఆడుకుంటుంది అమ్మ పక్కన లేకపోతే

ఆ బొమ్మ బోరు మంటుంది.

మాటలు రాలేదు నోటి నుండి విచిత్ర శబ్దాలు

ఆ శబ్దాలు లోనే కోటి అర్థాలు.

అర్ధాలు అన్నీ అమ్మకే అవగతం.

బిడ్డ భాష అమ్మకే అర్థమవుతుంది

అందుకే బిడ్డకీ అమ్మకి అంతులేని అనుబంధం.

గోవింద అంటే రెండు చేతులు పైకి ఎత్తడం

బాబా అంటే ఫోటో వైపు చూపు మళ్ళించడం.

కొత్తగా వచ్చిన విద్యలు

.

ఎవరు ఇస్తారు ఆ జ్ఞానం పసిపిల్లలకు.

ఒక్క పరమాత్ముడే తప్ప .

ఎదిగే వయసులో ఏ నెలకు ఆ నెల ముచ్చట.

దేవుడే నేర్పాలి ఇవన్నీ.

తరాలను కాపాడేది దేవుడే కదా.

ఇదంతా పెద్దలు చేసుకున్న పుణ్యం

పెద్దలు పని చేసే ముందు ఆలోచించాలి 

ఒక క్షణం పాపం పుణ్యం.

లాలి పోయించుకుంటుంది 

రాగాలు తీయదు.

నుదుటి మీద రవ్వంత అగరు బొట్టు.

రంగు రంగుల గౌన్లతో రంగోలి లా ఉంటుంది.

తలనీలాలు వెంకన్న బాబుకు మొక్కు.

తరతరాలుగా ఆయనే మాకు దిక్కు.

బోసి నవ్వులు బోసి చెవులతో ఎక్కుతుంది తిరుపతి మెట్టు.

అలంకారాలతో తిరిగి వస్తుంది అవ్వారి వారి ముద్దుల బిడ్డ.

గుండు తో ఉన్న ఫోటోలు గుండెల్లో దాచుకుంటా డు తాత

అంతర్జాలంలోనే ఇస్తాడు తాత ఆశీర్వచనం.

రచన మధునాపంతుల చిట్టి వెంకట సుబ్బారావు.

           కాకినాడ 

9491792279

.

.