నోటు

నోటు

రంగురంగుల కాగితం.

దాని మీద అంకె చూస్తేనే మనకి ధైర్యం.

ఏ అంకె లేకపోతే అది తెల్ల కాగితం.

ఆ అంకె తో టే దానికి వచ్చింది పెద్ద గొప్ప.

దాని పేరే కరెన్సీ నోటు

అది ఉంటే నే మన జేబు కళకళలాడు.

జేబులో నోటుఉంటే గరీబ్ కూడా షరాబే.

అప్పు తీసుకుంటే ప్రామిసరీ నోట్ రాస్తారు

అప్పు తీర్చడం కరెన్సీ నోటు తో చేస్తా రు.

కరెన్సీ నోటు తోటే మనిషికి ఎక్కడలేని ధైర్యం.

సంఘం ఇస్తుంది అపారమైన గౌరవం.

మనిషి మమతలకు విలువ శూన్యం

గాలికి ఎగిరిపోయే నోటు విలువ అపారం.

మనిషి విలువకి కరెన్సీ కొలమానం.

మనిషికి మనిషిగా విలువ శూ న్యo

నోటు చుట్టూ చక్కర్లు కొడుతోంది మానవ ప్రపంచం.

నోటు చూపించి కొండ మీద కోతిని దింపచ్చు.

నోటుతో టే ఉంది రాజకీయ భవితవ్యం.

పని జరగాలంటే నోటు

ఫైలు కదలాలంటే నోటు.

సూది పొడవాలి అంటే నోటు.

ఓటు పడాలంటే నోటు.

పదవి కావాలంటే నోటు

పదవి నిలపాలంటే నోటు

పండగ జరపాలంటే నోటు

బడిలో సీటు కావాలంటే నోటు.

ఒడిలో చోటు కావాలంటే నోటు.

పంచ ప్రాణాలులో ఒక ప్రాణం నోటు.

నోటు నువ్వు లేకపోతే మాకు ఈ ప్రపంచంలోనే లేదు చోటు.

నిత్యం దానికోసమే మానవుడు పడుతున్నాడు అంతర్మథనం.

అంతర్మధనం తోటి పెరుగుతోంది మనిషి రక్త పోటు.

రచన మధునాపంతుల చిట్టి వెంకట సుబ్బారావు

          9491792279 కాకినాడ