బరువు భాధ్యత

కడుపు కోసమే కదా కడలంతా బరువు లాగేది

బరువులు తోనే సమతుల్యంగా బతుకుబండి మోసేది

 ఏ బరువు గతి తప్పిన యజమానికి చెల్లించాలి మూల్యo. 

గమ్యం చేరే వరకు బరువులతోనే సాగుతోంది జీవి

 ప్రయాణం.

 ఆ బరువుల మోతల వెనుక గూడులో ఉన్నదో

 బలమైన బాధ్యత.

బాధ్యత అంటేనే బరువు బరువు అంటేనే బాధ్యత.

ఇన్ని బరువులు మోసిన బక్కచిక్కి ఉంటోంది ఆ ప్రాణం.

కారే చెమట ఎదురు గాలులతో మటుమాయం.

మాడుతున్న డొక్క ,చుర్రుమనిపించే సూరీడు

తల నుండి పాదాల వరకు రక్షణ లేని శరీరo.

అయినా అలుపెరగకుండా సాగుతోందా పయనం

తలపులన్నీ తలుపులు లేని గూడులో ఉన్న గువ్వల

గమనం. 

ఆ గువ్వల బువ్వ కోసమే ఆ బడుగు జీవి మథనం.

ఎప్పుడు మారుతుందో బక్క జీవి దైనందిన జీవితం.

ధనిక పేద అనే తేడా లేని సమ సమాజ నిర్మాణం.

రచన మధునాపంతుల చిట్టి వెంకట సుబ్బారావు

          కాకినాడ

9491792279