CHITTI1963.

 తట్టలోని మాలు తరగదాయే. తలపులన్నీ గూడు దగ్గరి వ్యధలతో నిండిపోయే. వేళకు బువ్వ తినక కళ్ళన్నీ బైర్లు కమ్మే. మండే ఎండతో మాడు మంట పుట్టే. చేయునది లేక ముదిత ముఖము దాచుకునే. రచన మధునాపంతుల చిట్టి వెంకట సుబ్బారావు.          కాకినాడ 

అహమును అణచుకొని అహర్నిశలు పెళ్ళిలో చేసిన ప్రమాణం మననం చేసుకుని రతీమన్మదుల వలె శృంగార రస రాజ్యము పాలించిన వివాహం అనగా భువి లో వెలసిన స్వర్గమే కదా.

తెల్లవారి లేస్తే జీవన పోరాటం ప్రారంభం. కొందరికి ఇల పైన పోరాటం మరికొందరికీ కడలే జీవనరణరంగం . వల చేతపట్టుకుని వలపులు అణచుకొని ఏటికి ఎదురు ఈదడమే నిత్యకృత్యం. నిత్యం బ్రతుకు వేట కోసం ఆరాటం. చేపల పులుసు నోటికి బానే ఉంటుంది. వల వేసి పట్టే బెస్త వారి కష్టం ఎవరికి తెలుసు. ప్రాణం పణంగా పెట్టే బ్రతుకు పోరాటం వారిది. ఏ అల ఏ నిమిషంలో ముద్దాడుతుందో తెలియని నడి సంద్రంలోని పోరాటం. కడలి కరుణిస్తే వల నిండా జలపుష్పాలు. జలధి అల్లకల్లోలం అయితే తనువు నిండా పుష్పగుచ్ఛాలు. కడుపు శోకాలు అనంతాలు అలకి వలకి మధ్య జరిగే జీవన పోరాటం రచన మధునాపంతుల చిట్టి వెంకట సుబ్బారావు.          కాకినాడ 9491792279